أشهر سوبرماركت فرنسية فتحت فرع جديد بالحازمية!

بعد رجعتها ع السوق اللبناني آخر السنة الماضية، Monoprix فتحت فرعها الجديد بمار تقلا – الحازمية، لتضيف وجهة جديدة للتسوّق بالمنطقة، مع تشكيلة واسعة من المنتجات الغذائية والاحتياجات اليومية تحت سقف واحد.

مونوبري سوبرماركت فرنسية معروفة، بتقدّم خيارات متنوّعة بتشمل المواد الغذائية، الخضرة والفواكه، المنتجات الطازة، المستلزمات المنزلية، منتجات العناية الشخصية وغيرها من الأغراض اليومية. وكمان بتضمّ مجموعة من المنتجات الفرنسية والمستوردة، إلى جانب منتجات خاصة بالعلامة.

الفرع الجديد بالحازمية صغير مقارنة بالفرع الأول وفي منتجات أقل، بس مصمّم ليكون عملي وسهل للتسوّق. في أقسام مرتّبة بتسهّل على الزبائن يلاقوا كل اللي بحاجة إلو، سواء للتسوّق الأسبوعي أو لتجيبوا كم غرض سريع.

ومع افتتاح الفرع، صار فيهن الزبائن يكتشفوا تشكيلة Monoprix من المنتجات الغذائية والفرنسية والمستوردة. أحلى المنتجات الفرنسية، هلّق أقرب لإلكن!

شوفوا كمان:

الإمارات رح تفتتح مركز فيزا إلكترونية ببيروت الشهر الجايي