60 كرت، 150+ فكرة، ومغامرات بكل لبنان…لعبة بتقرر عنكن!

إذا زهقتوا من نفس الضهرات وما عدتوا عارفين وين تروحوا أو شو تعملوا، Side Quest ممكن تكون الحل. اللعبة مجرّبة من فريق بيروت.كوم، وبتشجّعكن تكتشفوا أماكن وتجارب جديدة بلبنان.

Side Quest هي لعبة مغامرات لبنانية فكرتها بسيطة: عندكن 60 كرت، وكل كرت عليه مغامرة أو نشاط لازم تجرّبوه. الفكرة بلّشت مع أحمد غور، وكان عمره 21 سنة وقت اشتغل عليها كمشروع جامعي، قبل ما تتحوّل لفكرة حقيقية ولعبة موجودة بالسوق.

ونحنا كنا زهقانين ببيروت وبدنا نجرّب شي جديد، فقلنا ليه ما نجرّبها؟ وهيك كانت تجربتنا، إذا فاتكن الفيديو تبعنا:

الكروت فيها مجموعة كبيرة من الأنشطة، وكل نشاط إلو مستوى صعوبة معيّن. وكل ما كانت المغامرة بدها تخطيط ووقت أكتر، كل ما ارتفع مستوى الصعوبة. وبعض الكروت بتطلب منكن تزوروا كافيهات، مطاعم، محلات أو أماكن وتجارب مختلفة بكل لبنان، يعني اللعبة مش بس بتعطيكن أفكار جديدة، كمان بتشجّعكن تكتشفوا وتدعموا مشاريع وأماكن محلية.

فيكن تلعبوها مع رفقاتكن بالويك-اند، تاخدوها معكن على ضهرة عفوية، أو حتى تسحبوا كرت لما تكونوا قاعدين بالبيت ومش عارفين شو تعملوا. والأحلى إنو في كتير نشاطات مجانية أو كلفتها قليلة، يعني مش ضروري تصرفوا مبلغ كبير كرمال تكمّلوا المغامرة.

اللعبة كمان سعرها مقبول، وبتكون هدية حلوة لأي حدا بيحب المغامرات واكتشاف أماكن جديدة، خاصةً للرفقات المغتربين اللي بيجوا ع لبنان ودايماً أول سؤال عندن: «وين منروح؟ شو منعمل؟»

ومع 60 كرت، 50 QR guides، وأكتر من 150 توصية، Side Quest بتعطيكن أفكار وتجارب مختلفة كل مرة بتلعبوها.

إذا بدكن تكتشفوا لبنان بطريقة مختلفة، فيكن تشتروا Side Quest من هون. الـAdventure Deck هلّق عليه عرض وصار بـ $20 بدل $25، وفيكن كمان تطلبوا مجموعة magnet bookmarks كيوت مستوحاة من لبنان.

خبرونا، رح تجربوها؟

شوفوا كمان:

من سوبرماركت لمطاعم متنوعة…كل شي ناطركن بـ Al Forno فردان!