بدكن تغيّروا جو؟ هيدي 8 أماكن جديدة ببيروت!

دايمًا في أماكن جديدة عم تفتح ببيروت، وكرمال ما يفوتكن شي، جمعنالكن 8 محلات جديدة بتستاهل تكتشفوها!

1. Naïve House، مار مخايل

شو ناطركن؟ مكان بتقدروا تاكلوا وتشربوا فيه، تعملوا نشاطات بإيدكن، ترقصوا وتقضوا وقت حلو!

2. Frolli، السوديكو

شو ناطركن؟ من القهوة والترويقة لشاي البوبا والسوشي، كمان في سندويشات صحية وسلطات، يعني في خيارات بتناسب أذواق مختلفة.

3. سفرة بيروت، زيتونة باي

شو ناطركن؟ إذا بتحبّوا الأكل اللبناني، هالمكان بيقدّملكن أطباق لبنانية بتتشاركوا فيها مع العيلة والأصحاب، على سفرة بتجمعكن على الأكل والقعدة الحلوة.

4. Qū، الجميزة

شو ناطركن؟ بار مخبّى بالجمّيزة، فيه أكل من مطابخ عالمية، مشروبات وموسيقى حلوة. والتجربة الكاملة؟ ما فيكن تكتشفوها إلّا إذا جرّبتوها بنفسكن!

5. Baguette Brochette، الجميزة

شو ناطركن؟ سندويشات باغيت بنكهات أفريقية، بتعطي السندويش الفرنسي المعروف طعمة جديدة ومختلفة.

6. The Bowl Club، مار مخايل

شو ناطركن؟ أطباق طازة، وسندويشات، وراب وسلطات، مع خيارات غنية بالبروتين لوجبات بتشبّع وبتناسب نهاركن.

7. OUD، الضاحية

شو ناطركن؟ كافيه وترويقة وحلويات، بديكور مميّز فيه قعدات على شكل فناجين شاي كبيرة، وإبريق شاي ضخم، وتفاصيل مستوحاة من الديكور الأصيل.

8. ألحان بيروت، وسط بيروت

شو ناطركن؟ إذا عبالكن أكل لبناني وقعدة حلوة، هالمكان بيقدّملكن أطباق من المطبخ اللبناني لتستمتعوا بالنكهات اللي منحبّها.

نسينا نذكر شي مكان من أماكن جديدة ببيروت؟ خبرونا لنزيدهن ع الدليل!

شوفوا قسم #شو الجديد ع الموقع للمزيد.

شوفوا كمان:

بيت بيروتي قديم بالأشرفية مخبّي ورا جنينة وكافيه حلو!