dipndip صار عنده منيو مالح ولوك جديد… شوفوا شو تغيّر!

عندكن سبب جديد تزوروا dipndip! شكله قرر يوسّع التجربة وما يضلّ بس وجهة للحلو، وأطلق منيو جديد فيه خيارات مالحة للترويقة والغدا والعشا. يعني صار إلو مطرح حتى لو مش عبالكن شي حلو!

والتغيير مش بس بالمنيو، كمان فرع كسليك صار عنده لوك جديد كليًا، مع أجواء كافيه عصري. بصراحة، هيدي خطوة منحبّ نشوفها! وطبعًا، هالشي ما بيعني إنو ودّعنا كريب الفيتوتشيني أو البانكيك يلي اشتهر فيهن dipndip. بعد فيكن تطلبوا حلوياتكن المفضّلة وكل الإبداعات يلي بتجمع الشوكولا البلجيكية، بس صار في خيارات أكتر بانتظاركن!

شو ضافوا عالمنيو الجديد؟

من أبرز الأطباق الجديدة

• كرواسون بينيديكت بالترافل
• بيض مع أفوكادو وفطر
• رول بالزعتر
• سلّة كرواسون للّي بيحبوا شي بسيط
• لبن يوناني مع توت إذا عبالكن شي خفيف

وإذا ما فيكن تقاوموا الحلو، كمّلوا ببانكيك أو شي بالشوكولا، مع قهوة أو واحد من المشروبات الجديدة.

شو قصة اللوك الجديد؟

المنيو الجديد متوفر حاليًا بس بفرع كسليك، يلي تحوّل لكافيه عصري بتصميم مفتوح وقعدات مريحة على طابقين. ومع هيك، ما بعد عن هوية dipndip: الفكرة مستوحاة من مختبر شوكولا، والشوكولا بعدها نجمة المكان.

وبحسب L’Art-QUI-TECTE، رح نشوف هالستايل بفرعين كمان، وأكتر واحد ناطرينه فرع وسط بيروت يلي عم يلمّحوا إلو على إنستغرام باسم dip house.

تابعوا dipndip Lebanon وdip house Lebanon على إنستغرام لتضلّوا عارفين كل جديد!

حبيتوا هالمقال؟ زوروا قسم #حلويات ع موقعنا لتعرفوا أكتر.

شوفوا كمان

مخبّى ببرج البراجنة… «لقمة إم حسين» عندها أطيب ترويقة!

محل متواضع مخبّى بين الحارات بيقدّم ترويقة لبنانية بتخلّيكن تشتاقوا للأكل البيتي يلي على أصوله!