١٤ مكان مثالي بلبنان للضهرات مع مجموعات كبيرة

أمرار بكون التخطيط للضهرة بالليل بلبنان مع مجموعة كبيرة من الأصحاب أو العيلة مهمة مش هينة أبداً. مشان هيك، حطينا سوا ليستا رائعة بتخولك تختار بين أماكن عدة لتضهر مع مجموعتك أو عيلتك وتكونوا مبسوطين لو مهما كنتوا كتار.

إذا عم بتحضر لهيك مشروع، هالعناوين تحت رح تساعدك حتى تحقق مشوار ناجح. إنتا بس اتصل قبل واحجز.

١. شيه سامي

طلعوا عندو عالشمال لتتغدوا أو تتعشوا. الأكل هونيك في يرضي حتى الذويقة النيقة. شيه سامي واحد من أفضل مطاعم ثمار البحر بالبلد، وهوي المكان المثالي للمجوعات الكبيرة.

العنوان: معاملتين، جونيه

٢. باسيفيكو

إذا عبالكن تجربوا شي غير الأكل اللبناني، فيكن تروحوا عباسيفيكو بمونو. لايحة الطعام مستوحاة من المطبخ المكسيكي وهي غنية بالتاباس والأطباق الغريبة يلي ما بينشبع منا، أما المارغاريتا فرح تاخدكن ، بطعمتا الساحرة، ععالم تاني. هونيك بقدموا للمجوعات الكبيرة هالمشروب الرائع بأباريق وفيكن تستفيدوا ما أسعار مخفضة حطوها خصوصي إلكن.

العنوان: مونو، بيروت

٣. مايريغ 

ما بتكمل إلا مع الجو الحلو والخدمة المذوقة بمايريغ. هالمطعم مخصص للمجموعت الكبيرة يلي بتعرف طعمة تما وبتفتش تفتيش عاللقمة الطيبة.

العنوان: شارع باستور، جميزة، بيروت

٤. أونّو

هوي جوهرة بين جواهر المطاعم الأرمنية. فينا نختصر الأكل بكلمة وحدي: “بجنن!”

العنوان: بناية الثاني، بدارو، بيروت

٥. الفلوكة، مطعم للمأكولات البحرية وبار نبيد

بيقصدوا هواة الأسماك وثمار البحر، هوي كمان من الأماكن المثالية للمجموعات الكبيرة. طلبوا سمك، مازة وعرق  واستمتعوا مع الناس يلي بتحبوهن بقعدة مطلة على واحد من أجمل المشاهد البحرية ببيروت.

العنوان: نادي سبورتنغ، منارة، بيروت

٦. تشيليز

لضهرة سبور أكتر، تشيليز واسع، أكلو طيب وخدمتو عالية. الصحون الأميركية مع الحصص المبحبحة محضرة لتتقاسموها مع شركا ولمارغاريتا بتتقدم بكميات كريمة للكل.

العنوان: شارع الاستقلال، أشرفية

٧. منير

بيقصدوا للغدوات العائلية الكبيرة. أجواء منير بتفتح الشهية للأكل مع القرايب والأحباب. تمتعوا بأطباق مطبخنا اللبناني المعدة عالطريقة البيتية الأصيلة.

العنوان: الطريق العام، برمانا

٨. إم شريف

فيكن تطلبوا بهالمحل البيروتي أشهر أكلاتنا المحلية. عندو لوايح طعام مدروسة لتناسب المجموعات الكبيرة، وهيدا شي بخليكن تتقاسموا الحساب بسهولة بينكن.

العنوان: شارع فيكتور هوجو، مونو، بيروت

٩. لولا، بكفيا

للتتنشقوا الهوا النقي وتمتعوا نظركن بمشاهد طبيعية غير شكل وتكونوا، بنفس الوقت، عم تتلذذوا بأشهى الأطباق، ما تروحوا أبعد من بكفيا، وزوروا مطعم لولا بالذات.

العنوان: الطريق العام، نعاس، بكفيا

١٠. بينيهانا 

إذا إنتو من عشاق التيبانياكي، وصلتوا! هون بتنبسط المجموعات الكبيرة لأن كل عشرة فين يقعدوا حول الشيف ويتفرجوا عليه كيف عمبحضر علوح الشوي الحديد الكبير طبقن المفضل بأحلا الطرق الفنية.

العنوان: أوتيل كومودور، الحمرا، بيروت

١١. مكان 

 لايحة الطعام بتتجدد بشكل أسبوعي. مكان هوي بيت قديم بمار مخايل، شرح، والطاولات مرتبة في بشكل بحافظ على خصوصية الزوار. تمتعوا كل مرة بأكل مختلف مع خدمة لطيفة وحيوية. بمكان بتدفعوا عقد ما بتشوفوا الطبق بيستاهل. الأصحاب أو العيلة فين يتفقوا عالسعر المناسب.

العنوان: شارع البطريرك عريضه، مار مخايل، بيروت

 ١٢. لوكنضة آلا غراندا

بنص سوق جبيل العتيق، لوكنضة مجهز ليستقبل لأعداد الكبيرة من الناس يلي بتحب الأكل الطيب. جربوا مذاتن المستوحاة من المطبخ اللبناني إنتو وعم تتأملوا القلعة التاريخية بالمدينة.

العنوان: الأسواق القديمة، جبيل

١٣. ذي إيتالين بروجكت

من قلب مار مخايل النابض، هالمطعم والبار عندو القعدة برا لذيذة وفيا كل شي بأمن الراحة للمجمعات الكبيرة. فيكن تقصدوا الليلة الجاية  وتتطلبوا من صحونو المميزة. رح يصير إلو مكانة خاصة بقلوبكن.
العنوان: شارع أرمينيا، مار مخايل، بيروت

١٤. باغاتيل

مخبا بواحد من شوارع الحمرا، باغاتيل كمان في يستقبل بكل رياحة لأعداد الكبيرة. قعدوا برا بهالمساحة الجميلة وخدوا الأكل يلي بتحبوا مع الناس الحلوة.

العنوان: شارع جبري ضومط، حمرا، بيروت

ترجمة: رنا قاروط