نسوان الفرن: أطيب مناقيش وبيتزا ببكفيا

جمعوا أصحابكن ومشوا على ضيعة بكفيا الجبلية واكتشفوا أطيب النكهات بفرن كتير مهضوم إسمو نسوان الفرن.

هالفرن إسم على مسمى. أول ما توصلوا، رح يستقبلوكن خمس نسوان من الضيعة ويهتموا فيكن على الآخر، كل طلبية بتنعمل طازة، وبأشهى مكونات. المناقيش يلي لازم تجربوها بهيدا الفرن هني: منقوشة البيض على قاورما الكرسبي، اللحمة بعجين الرقيقة، منقوشة الجبنة بسمسم والبيتزا يلي رح تذكركن بطفولتكن.

المناقيش، البيتزا، الفطاير، الكشك، الشنكليش واللحمة بعجين عندن كتير طيبين!

المنقوشة المشكلة من كشك وجبنة وزعتر ولحم بعجين ضروري تجربوها، بيستعملوا أطيب عجينة من حلاوتها بتنطوي متل الورقة والحشوة فيها بترغي بالتم.

وإذا عبالكن تتحلوا، ما تعتلوا هم لأن الجلسة عند نسوان الفرن كاملة مكملة، بيعملوا أطيب منقوشة شوكوماكس مع فريز أو موز على الوج ورشة فستق مطحون.

ما تنسوا تطلبوا أطيب فنجان قهوة وشاي مع المناقيش والبيتزا والفطاير وفيكن كمان تطلبوا مشطاح صخن من الفرن.

ما اشتهيتوا بعد؟ شو ما عبالكن فرن الصبايا بلبيكن! ما تروحوا عليكن ويلا على أحلى مشوار على بكفيا بهل تلجات!

للمزيد من المعلومات اصلوا على 056 109 81

شوفوا كمان، أطيب ساندويشات عند بسترما مانو!