صار في برج إيفل بقلب لبنان: مشوا معنا على هالمطعم الجديد

سمعتوا ببرج إيفل المخبى بكسروان على ساحل جونية؟

لكل اللي عبالوا يسافر من دون ما يضب الشنطة ويعجقها ع حالو، جبنالكن مطرح مميز وجديد. مشوارنا اليوم بياخدنا على جونية، تحديداً على مطعم Trocadéro ،مطعم فرنسي فتح جديد، عندو أجمل الأجواء الرومانسية من الأكل الطيب وحتى القعدة جنب برج إيفل!

هالمطرح الساحر بيقدم تجارب خيالية بتحسسكن إنكن سافرتوا على فرنسا، بتعيشوا أجواء مدينة باريس من الأضوية الخافتة وبرج إيفل على صوت أمواج البحر، بتتفرجوا على غروب الشمس الحلو من التراس وبتحسوا بنسمات الهوا اللطيفة، بتشربوا أطيب المشروبات وبترقصوا وبتغنوا بأحلى سهرة للصبح: بتنبسطوا بتجربة منتجع ومسبح ومطعم وحتى شاليهات بنفس المكان.

هالمطعم بيقدم الأطباق الفرنسية بكل شطارة وجودة عالية. بتدوقوا ستيك طيبة وطرية على جنبها French fries، مع سلطات شهية ومتنوعة متل سلطة Lyonnaise أو سلطة السيزر مع دجاج، كمان بتلاقوا مقبلات عالمية طيبة متل البروشكيتا الفرنسية، ناتشوز مع صوص مميزة، برغر وحتى سمك سلمون طازة. هالمطرح بيجمع القعدة الساحرة والأكل الطيب والمشروب اللذيذ ليقدملكن تجربة من العمر!

تخايلوا حالكن قاعدين جنب البحر والمسبح وقدامكن برج إيفل؟ منظر بيحبس النفس وبيخلي القلب يدق بسرعة، هالمطعم من أروع المطارح لتسهروا مع الشريك وتستأنسوا بجو رومانسي، وكمان مناسب لسهرة مع الأصحاب لتغيروا جو وتنبسطوا سوا. ما تنسوا تاخدوا أجمل الصور!

شو ناطرين؟ مشوا ع باريس الشرق بقلب جونية!

للمزيد من المعلومات، اتصلوا على 991 288 81

شوفوا كمان، هيك فيكن تقضوا نهار حلو ببرج حمود