وين أجمل منظر مغيب الشمس بالجنوب؟ استكشفوا هال 6 محلات

صارت الصيفية على البواب وإذا عم تفتشوا على مطرح بالجنوب لتتفرجوا على غروب الشمس، خلونا ناخدكن مشوار على 6 مطارح بالجنوب بمنظر لمغيب الشمس بياخد العقل.

1. دار ألما ، صور

دار ألما أوتيل ومطعم مميز على الشط، بيتميز بالموديل القديم وقعدة بلكون بترد الروح على صوت البحر، من أجمل المطارح لتتفرجوا على مغيب الشمس بصور وتاكلوا لقمة طيبة.

الرقم: 082 740 07

2. Les Caves Roum، جزين

مطعم مخبى بأحضان شجر الصنوبر بجزين، تراس بياخد العقل لتقعدوا عليه تاكلوا أطباق شهية، وتنسحروا بغروب الشمس على أحلى قعدة جبلية.

الرقم: 292 810 07

3. أمواج البياضة، الناقورة

مطعم أمواج البياضة معلّق بين الأرض والسما، بيطل على شط الناقورة من الجبل وبيتمتع بأجمل إطلالة على غروب الشمس بالمنطقة، ضروري تجربوا كل ما تطلعوا على الجنوب.

الرقم: 220 522 71

4. El Boutique Hotel، صور

أوتيل البوتيك بيقدم وحدة من أجمل القعدات على البحر بصور، مطعم وتراس مميز لتسرحوا بمنظر غروب الشمس بالبحر مع الشريك وعلى أطيب مشروب!

الرقم: 960 740 07

5. سما مليتا، عين بوسوار، النبطية

مطعم سما مليتا جار الغيوم والشمس بعين بوسوار، من أعالي الجبل بتشوفوا كل شي قدامكن ووقت غروب الشمس المنظر خيالي عنجد!

الرقم: 460 400 03

6. منتجع الفنار، صور

تخايلوا عم تتمشوا على التراس بمنتجع الفنار، ماسكين إيدان الحبيب وعم تشاهدوا مغيب الشمس الساحر، قعدة ووقت من العمر!

الرقم: 111 741 07

شوفوا كمان، وين أجمل منظر مغيب الشمس بشمال لبنان؟