ميني غيت: برغر خفيفة على الجيبة وعروضات نار!

إذا انتو من عشاق البرغر والسندويشات الطيبة، لقينالكن محل خص نص لإلكن. اليوم رح نعرفكن على ميني غيت، مطعم بيقدم برغر وسندويشات شهية مع عروضات نار.

ميني غيت جاهز يستقبلكن بكل فروعه ببيروت على منيو غير شكل من برغر وسندويشات متنوعة بتناسب كل الأذواق. قعدة المطعم مميزة لعزيمة محرزة مع الأصحاب على أطيب غدا وأحلى الأوقات.

بيتميز ميني غيت بالعروضات القوية اللي أبداً ما بتتفوت خصوصي بأقوى ساعات الجوع! بتقدروا تجربوا شو ما عبالكن من دون كسرة على الجيبة، والحلو انو بتطلع البرغر أو السندويشة معرّمة لراسها بأطيب المكونات. كل اللي عليكن تميلوا على أي فرع ميني غيت، بجل الديب، سليم سلام، سنترو مول، وكمان مكلس، وتطلبوا اللي عبالكن تجربوا.

من أطيب الأطباق الوفيرة اللي ممكن تجربوها عندن هي ال Oppa برغر، وجبة تشيكن برغر كاملة ومحرزة ووفيرة. وميني غيت بيطلع معن التشيكن برغر خيالي، من الزينغر برغر، أو البافلو برغر لمحبي الحرّ، أو برغر الباربكيو لطعم قوي وغني. الدجاج مقرمش وبيشهي، البطاطا المقلية غير شكل، وكل كدشة أطيب من التانية!

لازم تجربوا منيو الميني إذا عبالكن شي خفيف على المعدة وعلى الجيبة. بتلاقوا برغر وسندويشات بحجم زغير ووفير، خصوصي لصاحبكن اللي بحياتو ما بيخلص صحنه، أو لصاحبكن اللي عبالوا يجرب من كل الأصناف كمان بيقدر يطلب من كل شي حجم الميني! عندن طعمات مميزة من سندويشات الستيك والقريدس والدجاج والكرسبي وحتى في على البيستو.

وما بتكمل من دون ما تجربوا المقبلات عند ميني غيت! بتدوقوا قصص طيبة متل ال Cheddar Lava Balls لعشاق الجبنة الدايبة والحر القوي، طبق الناتشو الطيب، أو جوانح دجاج المقرمشة مع صوص مميزة.

شو ناطرين؟ إعزموا رفقاتكن على أقوى برغر من ميني غيت!

للمزيد من المعلومات أو الطلب، إتصلوا على 833 314 01 – 707 470 70

شوفوا كمان، ٦ مطارح ببيروت بتحسسّكن إنكن بالطبيعة