جديد أسواق بيروت…أشهر محل شوكولا وجيلاتو إيطالي!

خبرية حلوة لكل محبّين الشوكولا والجيلاتو! Venchi، محل الشوكولا الإيطالي الشهير، وصل رسميًا ع بيروت وفتح بقلب أسواق بيروت، مقابل Stradivarius.

المحل جاب معه تشكيلة الشوكولا والجيلاتو يلي Venchi معروفة فيها، من قوالب وعلب الشوكولا المرتّبة، للبرالين وقطع الشوكولا الصغيرة بأشكالها الحلوة والمهضومة.

ومن برا، أكيد رح تلفتكن شكل الجيلاتو الكبيرة، يلي صعب تمرقوا حدّها وما تنتبهوا عليها.

المفضّلة عنا؟ ستراتشياتيلا الدارك، مع قطع الشوكولا المرّة يلي بتعطيها قرشة زايدة وبتخلّي كل كدشة ألذ.

وكمان، المحل بأسواق بيروت فيه قعدة برا، يعني فيكن تاخدوا جيلاتو وتقعدوا شوي بعد البرمة بالسوق، أو تمرقوا تاخدوا شي حلو معكن بطريقكن.

📍 Venchi، أسواق بيروت — مقابل Stradivarius

شوفوا كمان:

أسواق بيروت: الدليل الكامل