مطعم سمك مميز على صوت الموج بالبترون

مشوار حلو لكل محبي المأكولات البحرية! اليوم جبنالكن جوهرة مخباية على شط البترون لازم تجربوها قبل ما يخلص موسم الصيف. تعرفوا معنا على مطعم Ceviche مطعم رومانسي جنب البحر عندو مأكولات بحرية مميزة.

إذا عم تفتشوا على مطرح رومانسي لغدا مع الشريك، أو مكان تختموا فيه الصيفية مع أصحابكن، أو حتى تسهروا جنب البحر، مطعم Ceviche ناطركن على أحلى قعدة صيفية. مطعم دغري قاعد على شط البترون، عندو أجواء إستوائية وقعدة غجرية تحت شجر النخل وعلى نَفَس البحر.

هالمطرح كتير مميز لتنبسطوا بعشا رومانسي على غروب الشمس وكاس نبيد. بتاخدوا أحلى الصور وبتعيشوا أجمل الذكريات الغرامية مع الشريك.

مطعم Ceviche بيقدم منيو متنوعة من ثمار البحر، مأكولات بحرية طازة وبجودة عالية وكمان شطارة بالتقديم. بيقدملكن مختلف السلطات اللبنانية والبحرية، من التبولة أو سلطة البطيخ مع الحلوم، لسلطة التونا أو سلطة القريدس مع الكينوا. بتلاقوا أطباق رئيسية شهية من أخطبوط مشوي، كاليماري مشوي، والقريدس، وكمان الاطباق اليومية من السمك الطازة اللي بعدوا طالع من البحر.

إذا انتو من محبي القريدس، رح تحبوا تجربوا عثملية القريدس أو فتة القريدس. مطعم Ceviche بيتفنن بالمازة اللبنانية وبيجمعها مع المازة البحرية، فبتلاقوا كبة سمك، فتة سمك بزري، وغيره من القصص الطيبة المميزة.

للمزيد من المعلومات أو للحجز، اتصلوا على 674 565 03

شوفوا كمان، تعرفوا على جزيرة إستوائية مخباية بالبترون.