تجربة ممتعة ورومانسية…حضروا الباستا بإيديكن من هالمطعم الإيطالي

لكل العشاق اللي بيحبوا الباستا والأكل الإيطالي، عنا فكرة مميزة لموعدكن الغرامي الجاي! Una Cucina Di Pasta مطعم إيطالي بالمنصورية بيقدملكن تجربة ممتعة وشهية! هالمطعم الإيطالي بلبنان بيعطيكن فرصة لتعملوا الباستا على إيديكن!

مطعم Una Cucina Di Pasta الإيطالي متخصص بتحضير الباستا الطازة المشغولة على الإيد، وبيعملها متل المطبخ الإيطالي على المزبوط، معجونة بكل شطارة وحب، ومطبوخة على القد. ما بيستعمل الباستا المعلّبة أبداً، لحتى تقدروا تحصلوا على طعم الباستا الأصيل كأنكن عم تجربوها بروما!

والتجربة الحلوة عند هالمطعم ما بتوقف على تجربة الأكل الطلياني الطيب، بس بياخدكن رحلة من مطبخن الخاص على عالم الطبخ الإيطالي، لحتى انتو كمان تتعرفوا على أسرار المطبخ الإيطالي وتتعلموا تعملوا الباستا طازة على إيديكن!

فيكن تحجزوا انتو والشريك هالنشاط المهضوم او انتو وحدن من أصحابكن اللي بحبوا فن الطبخ. بتتعلموا سوا كيف تعملوا الباستا طازة من مرحلة العجن لحد مرحلة الطبخ. هيدا النشاط وقتو 3 ساعات، وبيتقدم معو منيو نبيد وأكل طلياني كتير رح يغريكن!

تجربة تعليمية روعة لعشاق الباستا! وهيك بتصيروا انتو تقدروا تحضروا الباستا على أصولها من قلب بيتكن من جهة، وبتعملوا ذكريات ما بتنتسى مع أحبابكن من جهة تانية. فخبرونا، مين بتعزموا على هيك تجربة إيطالية طيبة؟

لمعرفة المزيد من المعلومات، شوفوا حساب الإنستغرام للمطعم هون، أو تواصلوا معن على الرقم 654 022 70

شوفوا كمان، مسابقة جديدة: لي بياكل هل بيتزا رح يطلعوا 200$ كاش وجوايز قيمة!