٤ محلات شاورما فتحت جديد بلبنان!

اليوم رح نعرفكن على ٤ محلات شاورما فتحت جديد بلبنان وعم بقدموا أطيب ساندويش شاورما على الأصول نحنا وعم نخبركن عن مميزات كل محل.

١. شاورما وعرايس، جبيل

هل محل ما صرلوا زمان فاتح، بيعمل عرايس شاورما على ذوق ذوقكن وأكيد بتنقوا الطعمة لي بتفضلوها: دجاج أو لحمة. لي بميز هل محل إنو زيادة على الساندويشات، بحضروا plat شاورما ميكس بيجي بقلبو شاورما دجاج ولحمة مع خبز وكبيس وتوم وحمص وخضرا
… هيك بيطلعلكن لقمة من كل شي بنفس الوقت.

الرقم: 998 488 81

٢. أبو صبحي، جل الديب

المحل يلي ما في مخلوق ما كان يقصدوا على طرابلس ليدوق الشاورما إكسترا توم لي بيعملها. هل محل كلو عبعضو وصل من طرابلس على نص جل الديب وعم بحضرلكن أطيب ساندويشات. أبو صبحي كتير كريم وبعرملكن الشاورما على الآخر وأكتر شي بيدعم التوم. مش بس هيك عندو شاورما تركية، شاورما بيتزا وفتة شاورما لإذا عبالكن شي جديد.

الرقم: 646 500 76

٣. واحد شاورما، بيت البوم (حالات)

محل جديد ومهضوم رح يقدملكن كل أنواع الشاورما مع اختراعات مهضومة متل تاكوس الشاورما والشاورما التركية. الحصة عندو عبارة عن أشهى شاورما مليانة بالكرم والأطيب من هيك كيف بلتوا الخبزة بزيت الشاورما وبحمصوها.

الرقم: 676 707 03

٤. شاورمتي

معقول تاكلوا شي مرة شاورما بالحلوم أو شاورما بالترافل؟ شو رأيكن بالشاورما المكسيكية أو الشاورما بالخبز المرقوق؟ أكيد معقول لأن كل إختراعات الشاورما موجودة بهالمحل لي فتح جديد بالزلقا والشاورما عندو بتحكي عن حالها وعن طعمتها. أهضم محلات شاورما فتحت جديد!

الفرع الأول: زوق مصبح
الرقم: 114 548 81

الفرع التاني: زلقا
الرقم: 124 548 81

شوفوا كمان، ٤ محلات بيعملوا فوندان شوكولا ولا أطيب!