٨ محلات بيعملوا أطيب فتة بلبنان

عبالكن صحن فتة دسم وطيب؟ خلونا ندلكن على ٨ محلات فيكن تجربوا فيهن أطيب فتة بلبنان.

صحن الفتة عم بعيطلكن!

١. فول بيتوتي، حارة حريك

بحضر كل أصناف وصحون الترويقة الحلبية وعندو فيكن تدوقوا صحن فتة لبن من أطيب ما يكون.

الرقم: 740 474 71

٢. مطعم لا فول، القنطاري

عندو فول وفتة وحمص على الطريقة البيتوتية وأطيب صحن فتة! بتغمسوا لقمة الخبز بصحنكن وبتاكلوا لتشبعوا.

الرقم: 306 375 03

٣. مطعم كينا، صيدا

جربوا أطيب فتة عالأصول بتفتح القلب والقابلية. بيعمل كمان غير أصناف الترويقة الفاخرة مع مشطاح خبز سخن والمتبلات لي بتدوب بالتم ومدلوقة البقلاوة ع التحلاية وقصص كتير شهية.

الرقم: 085 880 70

٤. قهوة زيتونا

عبالكن تدوقوا شي جديد؟ عند قهوة زيتونا رح تجربوا طبق فتة الدجاج لي أكيد رح يعجب خاطركن من أول لقمة!

الفرع الأول: الزيتونا باي
الفرع التاني: البترون
الرقم: 356 370 01

٥. أبو عبدالله، الدورا

كل شي عندو بيفتح النفس وبدوب القلب وبحرك المشاعر وخصوصي صحن الفتة بلبن مع خبز محمص على الوج.

الرقم: 286 256 01

٦. أبو شادي، جل الديب

دوقوا أطيب ترويقة لبنانية وأطيب صحن فتة من تحت ديات عمو أبو شادي لي فيها ريحة لبنان. أما أكلاتو الباقيين، كمان غير عالم!

الرقم: 011 117 76

٧. أبو حسان، برج حمود

ما في أطيب من صحن الفتة، المسبحة والبيض المقلي لي عم يتحضروا ويتنقنشوا قدام عيونكن عند هل محل الأسطوري.

الرقم: 888 261 01

٨. مطعم أبو عباس، النبطية

ختامها مسك عند المعلم صاحب الإيدين البيضا أبو عباس لي بجبلكن أطيب صحن فتة وفول على طاولتكن بقلب فخارة والريحة عندو بتشق القلب.

الرقم: 126 912 70

مين عازمين على الفتة؟

شوفوا كمان، ٥ محلات ساندويشات دجاج ع الفحم غير شكل.