مشوار بالغابة ولقمة بالطبيعة بهالمطارح المميزة

بهالطقس الخريفي، صار بدها مشوار بقلب الطبيعة قبل ما تصير الدني شتي وتلج! شوفوا معنا مسارات المشي المميزة والمطاعم المجاورة بقلب غابات لبنان الساحرة.

١. غابة العزر، القموعة

من أجمل الغابات بفصل الخريف، قطعة من الجنة بشمال لبنان مزينة بالشجر الطوال لي بتطال السما والورق الصفر المتساقطة. في كمان مقاعد لكل حدا حابب يرتاح أو يعمل بيكنيك بالطبيعة وياخد صور حلوين.

مطعم قريب:
عمو هيكل، القبيات
الرقم: 184 686 81

٢. غابة اللقلوق، جبيل

وراق صفرا متساقطة وجو من الحزن والأمل بترسمو الطبيعة بهالغابة. تمشوا مع الناس لي بتحبوها هون وخدوا أجمل الصور وشموا ريحة الأرض المباركة.

مطعم قريب:
الأزوردي، اللقلوق
الرقم: 868 888 76

٣. غابة بولونيا، المتن

غابة مميزة بضيعة مميزة أكتر، بس توصلوا عليها رح تحسوا حالكن برات لبنان بسبب الوراق الصفر وجمال الطبيعة الصافية لي ما بيخلص والهدوء والسكينة لي بتتمتع فيها هاي الضيعة.

مطعم قريب:
أو بوا O Bois، الخنشارة
الرقم: 752 345 70

٤. غابة بكاسين، جزين

غابة صنوبر بتشبه غابة الأحلام لي بتشوفوها بالأفلام، رح تشوفوا شجر الصنوبر لي ما بيخلص مصفوف على شكل لوحة فنية ساحرة. بهل غابة فيكن تمارسوا كمان عدة نشاطات بيئية بمجمع بيت الغابة أو تكفوا مشواركن على رواق وبعيد عن كل شي.

مطعم قريب:
بيت الغابة La Maison de la Forêt، بكاسين
الرقم: 222 800 07

شوفوا كمان، لقينا ٥ مطاعم بزغرتا مع قعدة بتطير العقل.