٩ أغاني عالمية شهيرة انذكر فيها إسم لبنان!

في أغاني عالمية انشهرت كتير عبر الزمن انذكر فيها إسم لبنان لي على ما يبدو ألهم كتير فنانين ومبدعين من حول العالم.

وأكيد ما عم نحكي عن أغاني عربية ولا عن نجوم عرب أو لبنانية، لا بل عن أغاني أجنبية عالمية لأشهر الفنانين العالميين لي قسم كبير منن زار لبنان وانغرم في لدرجة حب يذكروا بغنية وقسم ما بيعرفوا بس تأثر في لحد معين. خلينا نشوف بعض هالأغاني وإذا بتعرفوا غيرن خبرونا بالكومانتس.

١. غنية Lebanese Night للفنان Chris De Burgh

بهالغنية غنى الفنان Chris De Burgh وحدة من أجمل الأغاني عن لبنان بالإنغليزي بطريقة فيها حنين وحب وشوية حماس، وهوي نعرف بوقتها بهيدا اللون من الأغاني.

٢. غنية Lebanon للفنان Scatman John

هالغنية بتحكي عن لبنان من إيام الفينيقية للبنان التنوع والأرزة ودور العبادة الموجودة في، يعني جولة على تاريخ لبنان الماضي والحاضر.

٣. غنية It’s Called Beirut للشاب خالد

هالغنية انعملت من بعد الإنفجار الكبير في صار بالعاصمة سنة 2020, عربون حب وتقدير لبيروت يلي ما بتموت، بيروت يلي حبها وغنالها.

٤. غنية International Love ل Pitbull و Chris Brown

كلنا منتذكر هالغنية قدي كسرت الدني مش بس بلبنان بالعام كلو، انذكر فيها إسم لبنان بطريقة مهضومة وبوقتها قد ما حبيناها إجا Pitbull لعنا وعمل حفلة بالforum وغناها live.

٥. غنية Square Dance للفنان Eminem

أشهر مؤدي rap بالعالم ذكر إسم بيروت بأحد أغاني الشهيرة.

٦. غنية Beyrouth للفنان Enrico Macias

الفنان الفرنسي الرومانسي يلي سحر قلب الصبايا حب لبنان كتير لدرجة عمل غنية بس لبيروت.

٧. غنية Eyes Like Yours للفنانة Shakira

الفنانة لي أصلها لبناني ذكرت بيروت بأحد أشهر أغانيها واعتبرت بيروت من المحلات يلي بتقصدها لتنبش على الشخص لي بتحبوا.

٨. غنية Born This Way للفنانة Lady Gaga

مش الكل بيعرف إنو أشهر الفنانات بالعالم ذكرت إسم لبنان بأحد أغانيها الأشهر على الإطلاق.

٩. غنية Battle Ship للفرقة Red Hot Chili Peppers

هالفرقة مش بس ذكرت إسم بيروت أغانيها حتى إنن إجو غنوها بلبنان سنة 2012!

شوفوا كمان، المسلسلات اللبنانية المشتركة برمضان 2024!