أخيرا، مطعم La Tavola المحبوب فتح عالبحر!

من بعد ما قدم أطيب المأكولات بقريطم، وبعدها بفرعو بسليم سلام، مطعم La Tavola المحبوب جايبلكن خبرية مميزة هالموسم!

صار فيكن تستمتعوا بأطيب أطباق La Tavola الجديدة عالبحر!

مطعم La Tavola فتح فرع جديد دغري عالبحر، وتحديداً بعين المريسة!

مطعم La Tavola كتير انشهر بمنطقة سليم سلام لتقديم منيو متنوعة من الأطباق العالمية اللي بتناسب كل الأذواق، من الباستا الإيطالية، أصناف البرغر، سندويشات و سناكات، وحتى السوشي! و هالمطعم متميز بجودة الأكل وخدمة الزباين الإستثنائية اللي بتخليكن كتير تنبسطوا انتو وبالمحل. عدا عن انو بيقدم تجربة مستدامة للأكل ويعتبر صديق للبيئة.

وهلق بفرعو بعين المريسة، La Tavola Seaview جايبلكن نفس الجودة و النوعية بس ع اللبناني! جربوا المحل وتلذذوا بأشهى الأطباق اللبنانية التقليدية المعمولة على الأصول. و صراحة، حالياً هو من أفضل المطاعم اللي إنفتحت جديد هالربيع!

La Tavola Seaview، لقمة لبنانية ع منظر بيروتي!

مع ديكور مودرن وتفاصيل مرتبة من الخشب، رح تعيشوا تجربة مميزة بقلب مطعم غير شكل عالبحر! عندن قعدة بأجواء مميزة، بتطلبوا أرغيلة إذا بتحبوا، مشروبات منعشة، وبتسردوها مع أصحابكن. مطعم بتلاقوا فيه الجمعة الحلوة، الأكل الطيب، ونسمة البحر بمكان واحد.

مطعم لا تافولا بيقدملكن التجربة الحلوة مع الصحن المغنّج، سواءاً زرتوا ع الترويقة، أو الغدا، أو العشا! بتستقبلكن الإبتسامة الحلوة أول ما تدخلوا، والكرم اللبناني بيرافقكن ع سفرة غير شكل! هالمطعم محضرلكن منيو واسعة ومتخصص بأشهى الأطباق اللبنانية من مشاوي اللحمة ع الأصول، الدجاج المشوي، الشاورما الشهية، والمازة اللبنانية ع أنواعها، هيدا عدا عن تقديم مختلف أنواع الترويقة، التحلاية، والمشروبات المنعشة.

والفرع الجديد بيضم قعدة واسعة مناسبة للعزايم، الجمعات الكبيرة، ضهرات العيلة و الأصحاب، لتنجمعوا مع كل أحبابكن ع نفس السفرة وع أطيب لقمة.

ما تنسوا تابعوا La Tavola على إنستغرام هون، وللمزيد من المعلومات، اتصلوا على: 797 683 76

خبرونا، محمسين لتجربوا لا تافولا Seaview؟