مطعم عم يعمل بيتزا إيطالية مطوية بلبنان

هالمطعم عبارة عن جوهرة مخفية ببيروت بيعمل بيتزا إيطالية بطريقة كتير مهضومة وauthentic يعني بفرن الحطب مش فرن الغاز على الطريقة الإيطالية البيتوتية.

زلونا مطعم إيطالي موجود بحارة حريك ومش بس بيعمل بيتزا، بيعمل كمان كتير أطباق تانية من المطبخ الطالياني الأصيل، في مثلاً باستا على أنواعها، وستيك مشوي، وسباغيتي، وريزوتو بالكريمة. كل هالأكلات فيها نكهات إيطالية تقليدية ومعمولة من أحسن المكونات الطازة، بس لي عنجد مميز عندن: البيتزا المطوية.

عبارة عن بيتزا طالعة من الفرن مع صلصلات خاصة محضرة على الإيد وعجينة مطوية كأنها سندويش. الخبزة سميكة ومرفخة منيح وبتشهي ومكوناتها كلها طازة وبحضر الشيف فيصل الصوصات قدامكن، فالنتيجة بتكون بيتزا مطوية من العمر!

غير هيك بيعمل حلويات على أنواعها ومن ضمنها التراميسو الإيطالي يلي مننصحن تجربوا عندن ومش بس هيك عندن كافيه جنب المطعم بيعمل كريم بروليه تشيز كيك، ريحتو وطعمتو بتدوب القلب وخصوصي بس يكون سخن. وفيكن كمان تطلبوا فنجان قهوة ايطالي أصيل، كرمال تخلصوا وجبتكن بطريقة كتير حلوة.

ديكور المطعم حلو وبسيط بحسسكن كأنكن ببيتكن وحتى الشيف فيصل كتير مهضوم وقريب للقلب وقرر يعطي دروس بالطبخ لكل مين عبالو.

حتى طبق الغنوتشي عندن مش عادي، لأن بيخبز العجينة بفرن الحطب منيح قدامكن وبزيد عليها صوص شغل إيد ومش حيلا صوص. وما فيكن تقولوا ما شبعتوا بس تخلصوا.

العنوان:حارة حريك
الرقم: 429 094 03

شوفوا كمان، لأول مرة بلبنان: مطعم بخليكن تششوا لحمتكن ع المنقل بإيدكن.