لقيس ملك الصفيحة البعلبكية وصل ع جل الديب!

عبالكن تجربوا الصفيحة البعلبكية ع أصولها ومن ديات أهلها؟ كلنا منعرف ما إلكن إلا مطعم مزارع اللقيس! بس قبل ما تطلعوا ع بعلبك، خلونا نخبركن هالخبرية الحلوة. من ربوع بعلبك، إجى هالمطعم المحبوب ع العاصمة وفتح بنص بيروت، وهلق مكفي مشوارو ع فرع جديد! أخيراً، صار فيكن تدوقوا أطياب بعلبك من لقيس فارم بفرعو الجديد بجل الديب.

لكل محبي الصفيحة، اللقيس بلبيكن وين ما كنتوا!

صفيحة اللقيس لا يعلى عليها، من جودة اللحمة والأصالة بالتقديم! عصرة حامض مع شوية دبس رمان ورشفة لبن عيران وبتكمل معكن. وهلق صار فيكن تعيشوا تجربة تذوق أصيلة وغنية من عندن بجل الديب. وقريباً كمان رح تلاقوا بالبترون!

اللقيس معروف إنو بيقدم كل شي طازة من المزارع اللي عندن بسهل البقاع وبأجود نوعية وألذ طعم.

إن كان لحمة، أو ألبان، أو أجبان، أو خضرة كمان، رح بتلاقوا أطيب مونة وألذ أكلات الضيعة الشهية.

مش بس صفيحة!

اللي مجرب الأكل عند لقيس فارم بيعرف منيح إنو ما وقفت ع الصفيحة بس! اللقيس بيقدملكن منيو مشكلة ومنوّعة من أطيب الأكلات اللبنانية، إن كان ع الترويقة، ع الغدا، أو ع العشا، وفوق هيك بيفتح ٢٤/٢٤ بفرعو ببيروت.

من المناقيش وخبز التنور، للرز بلحمة غنم، للمشاوي والطبخ والمازة اللبنانية ع أنواعها، عدا عن الأكلات البقاعية والبعلبكية المحلية! كلو وأكتر ناطركن عند لقيس فارم هلق بجل الديب!

بتلاقوا لقيس فارم بفروع بعلبك، زحلة، شتورة، بيروت، وجل الديب وفيكن تتواصلوا على الأرقام التالي:

بعلبك 029 666 71

شتورة 490 542 08

بيروت 824 373 01

جل الديب 657 094 71

زحلة 490 931 08

ما تنسوا تابعوهن على حسابن على الإنستغرام Lakkis Farm هون.

شوفوا كمان, أقدم ٧ مطاعم بيروتية مرقت من جيل لجيل