١٨ شغلة اشتقنالا من حفلة ملكة جمال لبنان

مرقوا سنتين والملكة ياسمينا زيتون حاملة باللقب، يعني راح كتير لحظات مضحكة ومهضومة من يلي كنا دايماً ننطرن لنشوفن بمسابقة ملكة جمال لبنان. في كتير إشيا كنا نتسلى فيهن اشتقنا نرجع نشوفهن من جديد، ومن هالقصص:

١. تتحزروا مين رح يتفركش ويوقع بالحفلة

هيدي شكلا رح توقع وتتجرص؟ خلينا نشوف!

٢. جملة: أول شي بونسوار

ما بتقطع الحفلة من دون ما نسمع هالجملة شي عشر مرات

٣. اشتقنا نختار البنت يلي رح تربح ونصيبا

هيدي موهبة!

٤. نسمع أغبى الأجوبة بمرحلة الأسئلة والأجوبة

كتير صعب حدا يقنعنا!

٥. الجدال مع العيلة عن مين المفروض يربح

وأكيد، كل واحد بنقي مشتركة مفضلة.

٦. ردود الفعل المضحكة على تويتر

بتتذكروا يلي فلقتنا عن بسكنتا؟ ما بقى حدا بوقتها على تويتر ما نكت على الموضوع.

٧. التفكير بالرجيم جدياً بعد ما نشوف الصبايا بالمايويات

يا ريت منعمل شي منضل عم نفكر بس!

٨. تحليل وتحكيم كل متسابقة وكأنو نحنا نحنا بلجنة الحكم وهيدا شغلنا

مين قدنا؟

٩. المقارنة بين كل المتسابقين وجورجينا رزق

ما حدا رح يوصل لمستواها أبداً.

١٠. انتقاد كل شي بالمسابقة

ما بق لازم يعملوا مسابقة ملكة جمال لبنان لأن عنجد ما في شي بيعجبنا.

١١. انتقاد لجنة الحكم

يعني شو هالظلم؟ مفروض كانت تاخد ٩٫٥!

١٢. نرجع ننطر سنة كاملة لترجع المسابقة

وكل مرة بيرجعوا بنطرونا سنتين أو تلاتة ليعملوها.

١٣. غنية التتويج اللي كلنا حافظينا عن غايب

للصبية الملكة تاج صولجان طلعت من الحكاية قمر الزمان… يا ساحات مزينة…

١٤. منتوتر مع كل متسابقة وهي عم بتجاوب السؤال كأن نحنا محلا

أوعك تقولي شي غلط!

١٥. التأثر بقصة حياة كل متسابقة

مش كل شي جمال، في كتير قصص مؤثرة.

١٦. المونتاجات المصورة لكل متسابقة بمنطقة سياحية بلبنان

وين أولكن رح يتصوروا هالسنة؟

١٧. نطرة فستان السهرة الأخير يلي بيخطف القلب

شو رح تلبس مشتركتنا المفضلة يا ترى؟

١٨. نتحزر مين مقدمة الحفلة

رح تكون السنة هيلدا خليفة ولا إيميه صياح ولا حدا جديد؟

مين بلش يتحمس لحفلة ملكة جمال لبنان سنة 2024؟ على فكرة قرب الموعد، السبت الجاي.

شوفوا كمان، ملكات جمال لبنانيات احترفوا الغنا.