لعشاق السمك: تصيدوا غداكن بهيدا المطعم الفريد بلبنان

ليش تنطروا السمك يجي لعندكن إذا فيكن تتصيدوا إنتو؟ هالمطعم اللبناني بخليكن تصيدوا غداكن بنفسكن وتنقلوا على طاولتكن.

ثمار الجبل معروف بأكلاتو اللبنانية التقليدية و أطباق السمك الشهية يلي بيعملها. موجود بقلب بشري، هالمطعم قرر يميز حالو بأحلى طريقة، و يخلي الزوار يستبدلوا المينيو بشبك صيد. و بصراحة هيدا الشي كتير حلو.

هيدا المطعم العائلي عبارة عن مزرعة سمك وعندن بركة سمك فيكن تصيدوا فيها أكلاتكن. المطعم بيساعدكن تتصيدوا صيدتكن وبيحضرها على طريقتكن المفضلة – مقلي، مشوي، أو ني.

ثمار الجبل بيقدملكن سمك الترويت، نوع من السمك اللي بيطلع بلبنان وبيمثل جزء كبير من تربية الأسماك اللبنانية. سمك الترويت من أطيب الأسماك يلي بتلاقوها عندن، ومن أطيب وأصح الأسماك للأكل!

غير أطباق السمك اللي مشهورين فيها، المطعم بيقدم أكلات لبنانية لذيذة كمان. بيعملوا كبة شمالية شهيرة، وبيطلع شكلها بشهي. معقول تكونوا ببشري وما يضيفوكن كبة؟

هالمحل محاط بخضار وطبيعة بتخلي هالمطرح مثالي لغدا عيلة! أطباق بيتوتية، مناظر حلوة، وسمك لذيذ؟ بسهولة رح بصير مطرحكن المفضل لما تزوروا بشري.

للحجز اتصلوا فيهن على 407 129 70!

شوفوا كمان، التانت سهام: مطعم سمك ع شط البترون.