جدو لبناني عمرو ٩٠ سنة عم يجرب Paragliding لأول مرة

شي مرة مجربين ال paragliding؟ رح نفرجيكن ع فيديو مليانة لطافة رح يخلي البسمة ع وجكن! هيدا الجدو اللبناني اللي عمرو ٩٠ سنة، قرر يعمل paragliding لأول مرة من فوق ساحل جونية. 

جدو طلع مع الطيار الشراعي إيلي منصور، وهو من فريق Paragliding Club Lebanon، أوّل و أكبر نادي طيران شراعي بالشرق الأوسط. ومن فوق جونية، إنطلقت رحلتن بالهوا! شوفوا الفيديو هون:

من أوّل ما طاروا بالسما، بتشوفوا ضحكة جدو! ما كان خيفان أبداً، فتح إيداه بالهوا، وكلو الوقت مبتسم وعم يضحك من قلبو. وللصراحة، انتو كمان كمشاهدين عنجد بتعيشوا معو لحظة تعتبر من العمر و بتنبسطوا معو بهيدي المغامرة الحلوة. 

قبل فترة نزّلنا فيديو مهضوم لطفل لبناني كمان عم يجرب Paragliding لأول مرة. اكبسوا هون لتحضروا الفيديو و تضحكوا من قلبكن. 

خبرونا، إنتو من النوع اللي بيخاف أو اللي بيحب المغامرات؟

إذا كنتوا بتحبوا المغامرات، شوفوا كمان:  عبالكن تطيروا؟ ٨ مطارح لتعملوا Paragliding بلبنان