١٥ محل بيقدموا أطيب راكليت وفوندو بلبنان

مع هالبرد والشتوية، ما في أحلى من قعدة دافية مع فوندو أو راكليت يدفوا القلب ويجمعوا الأصحاب والعيلة أو حتى الحبيب. إذا عبالكن هالتجربة الشهية، جمعنالكن 15 محلات بلبنان بيقدموا أطيب راكليت وفوندو بأجواء ولا أروع.

1. Le Péché، طبرجا

هيدا المحل بيقدملكن راكليت وفوندو جبنة سويسرية مميزة، مع شاركوتري فخمة، وأجواء رومانسية بتشيل الهم. إذا عبالكن سهرة مع أطيب الأطباق، هيدا المحل هو المناسب.

الرقم: 478 400 81

2. Le Raclot، اللقلوق

بقلب اللقلوق وبقعدة بيت خشب دافي محاط بالتلجات، بتعيشوا تجربة فوندو وراكليت من عالم تاني. الأجواء كلها رومانسية ورايقة، والجبنة بتدوب بالتم وبتدفي القلب.

الرقم: 777 413 70

3. Auberge le Valais، شبروح

إذا بتحبوا تقعدوا حد النار وتشربوا كاس نبيد مع فوندو أو راكليت، هيدا المحل بشبروح هو الخيار المثالي. الأجواء بتدفي القلب والأكل طيب لدرجة بخليكن ترجعوا مرة وتنين وتلاتة.

الرقم: 227 552 03

4. Le Cedrus Hotel، الأرز

ما في أحلى من قعدة دافية بهيك أجواء أرز وتلج، خصوصي لما الأكل يكون راكليت وفوندو جبنة. Le Cedrus Hotel بيوفّر هالتجربة مع ضيافة لبنانية أصيلة.

الرقم: 777 413 70

5. O Bois Restaurant، خنشارة

بهالمطعم الدافي، فيكن تستمتعوا بطبق راكليت أو فوندو مع تشكيلة نبيد ولا ألذ. الأجواء بتشبه قعدة مطعم بسويسرا، والمقبلات بتكمل الطاولة بأطباق غنية بتشبع.

الرقم: 752 345 03

٦. تشيريلاين Cherrylane، حمانا

مع قعدة حجر وجو شتوي رومانسي، Cherrylane بحضرلكن أطيب راكليت وفوندو مع لمسة إيطالية وفرنسية. المكان مثالي للقعدة مع الحبيب أو جمعة مع الأصحاب.

الرقم: 588 335 71

7. مطعم لولا، بكفيا

قعدة خشب مرتبة وأجواء رايقة بتخلّي الراكليت والفوندو ألذّ وأشهى. هيدا المطعم ببكفيا هو العنوان إذا عبالكن شي دسم وطعمة جبنة ما بتنوصف.

الرقم: 706 062 71

8. سود Sud، ضبيه

بيجمع بين الأجواء الرومانسية والديكور يلي بجنن، مع فيو ساحر من فوق بيخطف الأنفاس. الفوندو الجبنة هون ما في منن مع قعدة مكنكنة على الآخر.

الرقم: 481 666 81

9. Le Montagnou، كفردبيان

شو رأيكن بفوندو مع كاس نبيد وقعدة مكنكنة بتنسيكن البرد؟ هيدا المطعم بكفردبيان بيقدملكن تجربة شتوية كاملة، من الأكل الطيب لدفا القعدة.

الرقم: 441 341 03

10. Les Caves de Chez Michel، فقرا

جو دافي بقلب فقرا مع قعدة كهف وأطيب فوندو عم بيعملوا خصوصي لفصل الشتي. تجربة ما بتتفوت.

الرقم: 418 894 03

11. E Café، جبيل

بجبيل، على بعد خطوات من البحر، بتلاقوا مكان مليان دفى وراحة مع فوندو جبنة بطعمة ولا أروع وقعدة حميمية.

الرقم: 316 163 03

12. La Place de L’Entrecôte، الكاسليك

مطعم فرنسي بكل معنى الكلمة، بيقدم فوندو جبنة غنية وطبق ستيك مميز، مع قعدة رايقة بتذكركن بشوارع باريس.

الرقم: 686 688 03

13. Le Télégraphe de Bellevue، بحمدون

وسط كروم العنب بأجواء ولا أروع. المكان مش بس بيقدم فوندو مميز، كمان عندن فرصة لتجربوا النبيد المحلي.

الرقم: 383 628 70

14. The Wooden Cellar، مار مخايل

هالمكان بيجمع بين أجواء دافية وأطيب فوندو، بديكور خشبي بيذكركن بالمطاعم السويسرية.

الرقم: 392 808 76

15. Flint، ضهر الصوان

بالجبال وبين الطبيعة، مكان بيجمع الشياكة البسيطة مع أطيب فوندو ومقبلات راقية. ما بينتفوت.

الرقم: 375 864 71

إذا بعد ما قررتوا أي محل تزوروا، لازم تعرفوا إنو كل واحد منن بيقدم تجربة مختلفة، وكلها مليانة دفى وأجواء شتوية مميزة.

شوفوا كمان، جربتوا هل ٦ مطاعم الإيطالية أو بعد بلبنان؟