شوكولا دبي الشهير صار في منو دوناتس بلبنان

حزروا شو؟ شوكولا دبي الشهير، اللي كسر الدني وصار حديث كل العالم، صار دوناتس بلبنان! وكل هالطعمات الساحرة صار فيكن تجربوها عند Xndoughs، المكان اللي بياخد الدوناتس لمستوى جديد، وبيحول كل لقمة لتجربة مش بس لذيذة، بس ما بتنتسى.

عجينة ناعمة وطرية، مليانة بحشوة خرافية من الكنافة المقرمشة وعجينة الفستق الغنية. ومغطسة بالشوكولا السايحة اللي بتغطيها بطبقة سخية ومثالية، وبقلبها طبقة عثملية بتضيف قرشة بتجنن، مع رشة فستق ناعمة بتكمل الطعمة. شو بدنا نقلكن؟ طعمة رهيبة!

والحلو بالقصة إنه Xndoughs ما وقفوا هون. أخدوا فكرة لوح الشوكولا المشهور بدبي اللي عمل ترند بكل العالم، وضافوا لمستهم الخاصة لشي جديد ومميز. الدوناتس مليانة من جوا بحشوات بتشق القلب، ومن برّا مزينة بطريقة ما بتقدروا تقاوموها.

وإذا بعدكن مش شبعانين من هالابتكار، فاجأونا كمان بـ”آيس كريم ستيك” بنكهة الكنافة والفستق! تخايلوا نفس الطعم الخيالي اللي بتحبوه، بس هالمرة على شكل آيس كريم ستيك، ومغطس كمان بالشوكولا مع اللمسة المقرمشة اللي بتجنّن.

وهلق بموسم الأعياد، Xndoughs عاملين قصص مهضومة مع دوناتس بستايل الكريسماس! ألوان وأشكال بتاخد العقل، من شجر الميلاد للسانتا كلوز، وكلها بنكهة خيالية. إذا عبالكن تدلّلوا حالكن أو تفاجئوا حدا بعيد الميلاد، هالدوناتس خياركن المثالي!

إذا بتحبوا الشوكولا والفستق وأجواء العيد، ما تضيعوا الفرصة وجربوا هالدوناتس والحلويات اللي عنجد بشهوا!

شوفوا كمان، لأول مرة بلبنان، بوش دو نويل ع سمك السلمون!