دوقوا بيتزا ببستان الحامض…شوفوا هالمطعم الإيطالي بالجنوب!

تخيّلوا حالكن قاعدين بجنينة مزروعة بشجر الأفوكا والحامض، والريحة الطيّبة معبّية المكان… هيدا هو الجو عند Amalo Pizza بالغازية الجنوب، مطعم إيطالي بيجمع بين الأكل الأصيل والطبيعة الساحرة!

من أول ما توصلوا، بتحسوا حالكن انتقلتوا ع ضيعة إيطالية صغيرة. القعدة برّا بالصيف بتاخد العقل، وكل شي حواليكن أخضر وهادي، كأنو الزمن وقف شوي لتنبسطوا بالأكل والجو مع الناس يلي بتحبوهن.

الحديقة شي فوق الخيال، وفيها طاولات خشب موزّعة بين الشجر، وبيضل في نسمات بتردّ الروح، خصوصي بالشوب. الإضاءة الخفيفة بالليل، وصوت العصافير، بيخلّوا القعدة عنجد رومانسية وبتجنّن. بتحسوا كأنكن عم تتعشّوا بوسط بستان صغير بإيطاليا، بس بلبنان. هيدي المنطقة دغري ع البحر بالجنوب، يعني بعد الأكل فيكن تتمشوا ع الكورنيش.

البيتزا ع الحطب عندن شي روعة! العجينة خفيفة، القرمشة مثالية، والطعم أصيل! جربوا المارغريتا، أو بيتزا البوراتا، أو أي نوع بتفضلوا.

وإذا حبيتوا تكتشفوا شي مميز، ما تفوّتوا البيتزا بالزعتر اللبناني والجبنة، ميكس مش معقول بين النكهات الإيطالية واللبنانية.

الباستا كمان بتاخد العقل، وخاصةً تشيكن ألفريدو! باستا بيتوتية مطبوخة على الأصول، مع صلصة كريمية غنية ودجاج بدوب بالتم، ومغطسة بجبنة بارميزان ناعمة.

وما فينا نحكي عن الأكل الإيطالي من دون تحلاية التيراميسو! كريمية، ناعمة، وقهوتها موزونة. لازم تجربوها لتعرفوا شو يعني تيراميسو عن جد. ومش بس هيك، بيعملوا الليموناضة ع الطريقة الإيطالية وكلو من عندن بالجنينة.

المطعم بيفتح من الساعة 1 بعد الضهر ل 10:30 بالليل، وبيسكر بس نهار الاتنين. للحجز أو الاستفسار،

فيكن تتواصلوا معن ع الرقم: 071 280 71

إذا كنتوا بالجنوب، أو حتى من بيروت وبدكن مشوار بيستاهل، Amalo Pizza هو المحل يلي رح يسرق قلبكن. تابعوهن ع الإنستغرام @amalo.pizza لتتحمّسوا أكتر!

شوفوا كمان، عيشوا جو الضيعة وخبزوا الصاج… كلّو مع ريما برملية!