24 من أصل 38 شواطئ حول لبنان آمنة للسباحة…تعرفوا عليهن

سواء كنت عايش بلبنان أو جايي تزور بالصيفية، كلنا منحلم نقضي أيامنا عم نسبح من شط للتاني. بدك تسبح، تقعدة ع البحر، وتنبسط بوقت مع العيلة والأصحاب؟ للأسف، الخيارات الآمنة للسباحة بلبنان عم بتقل سنة عن سنة. واليوم، بس 24 من أصل 38 شواطئ حول لبنان صالحة أو آمنة لممارسة السباحة. خلونا نتعرف عليهن.

شواطئ آمنة وصالحة لممارسة السباحة حول لبنان 

بحسب تقرير المجلس الوطني للبحوث العلمية (CNRS) لسنة 2025، في بس 24 نقطة مصنفة آمنة للسباحة هالصيف. يعني تقريبًا 63% من المواقع اللي بتم مراقبتها بيحققوا المعايير الصحية للسباحة.

هيدي المواقع بتتضمن:

طرابلس / الملعب البلدي

المنية / الشط العام

أنفه / دير الناطور

أنفه / تحت الريح

الهري / الشط العام

سلعاتا / الشط العام

البترون / شط البحصة

البترون / شط الحمى تحت NCMS-CNRS-L

عمشيت / شط العام

جبيل / شط البحصة العام

جبيل / الشط العام

فيدار / تحت جسر فيدار

شط العقيبة / نهر إبراهيم

البوار / الشط العام

شط الصفرا/ الشط العام

جونية / المعاملتين

الدامور / الشط العام

الجية / شط خاص

رميلة / الشط العام

عدلون / الشط العام

صور / الشط العام (TCNR)

الناقورة / جنب مرفأ الصيد

خلدة / الشط العام

العباسية/ شط عام ومحمية طبيعية

شواطئ حذرة لممارسة السباحة حول لبنان

وفي 9 نقاط مصنفة حذرة، يعني فيها تلوث بكتيري معتدل وبتتأثر بسهولة بأي تلوث إضافي. وهني:

عكار / جنب مطار القليعات

طرابلس / شط عبد الوهاب

بيروت / عين المريسة

صيدا / الشط العام

الأولي / شمال نهر الأولي

الغازية / الشط العام

الصرفند / الشط العام

صور / منطقة المطاعم

شواطئ غير صالحة/خطرة لممارسة السباحة حول لبنان

أما الكارثة الأكبر، ففي 6 محطات مصنفة ملوثة بشكل كبير وخطرة كتير للسباحة بسبب وجود نسب عالية من البكتيريا. وهني:

 طرابلس / الشط العام

جونية / الشط جنب المينا

شط ضبية / شمال ضبية مارينا

أنطلياس / مصب نهر أنطلياس

بيروت / المنارة

بيروت / شط رملة البيضا

ملاحظة هامة

كمان مهم نذكر إنه المجلس الوطني للبحوث العلمية بلبنان بيراقب 38 نقطة جغرافية مصنفة كمحطات بحرية. هالمحطات بتمتد من العريضة بالشمال للناقورة بالجنوب. وبتغطي الشواطئ العامة، السواحل الصخرية، مصبات الأنهر، بعض الشواطئ الخاصة، والمناطق القريبة من معامل صناعية (للمقارنة).

لازم نتحرك!

كتار من الناشطين البيئيين والعلماء والجمعيات عم يرفعو الصوت عن التلوث يلي عم يهدد حياة البحرية ونوعية المي. وكل ما عم تمرق السنين والحال عم تسوء أكتر، ورح يضل عدد الشطوط الآمنة يقلّ. بس الأهم، لازم نتحرك هلق، مش بس كرمالنا، كمان كرمال نحمي الحياة البحرية بلبنان.

شوفوا كمان، أسعار الدخولية على 70+ مسبح وشط حول لبنان لصيف 2025