المطعم يلي اشتقنالو… Meats & Bread رجع ع بيروت!

كل ما يفتح محل جديد ببيروت وينحبّ، كل المدينة بتصير تحكي عنه! ومن زمان، المطرح يلي كان الكل بحبوا ويحكوا فيه هو Meats & Bread. هالمحل كان هوس كتير من الناس ببيروت، انشهر بالبرغر والجوانح اللي بطيروا العقل وبيستاهلوا كل مشوار.

بعدين إجا ٤ آب.كتير من المطارح المحبوبة ببيروت تضررت، وMeats & Bread كان واحد منهن. فرع الجميزة اضطر يسكر، وهالشي خلّى واحد من أطيب مطاعم البرغر بالمدينة يغيب لخمس سنين.

واليوم خلصت النطرة! المطرح الأيقوني رجع على قلب بيروت. رح تلاقوا نفس البرغر الشهي يلي انغرمتوا فيه، الـWTF Burger المشهور وجوانح Flapping Wings المقرمشة يلي إلها مكانة خاصة بقلوب كل عشاق الأكل ببيروت.

هيدا مش بس مكان لتاكلوا فيه، هو كمان محل لتقضوا فيه وقت حلو. الموسيقى الحيوية، الجو المميز، وريحة البرغر يلي لا تقاوم. لقمة سريعة فيه بتتحول لسردة ساعات مع الأصحاب!

Meats & Bread صار بمار مخايل، بالقرب من Tavolina. تعوا زوروا المحل وجرّبوا النكهات اللي اشتاقتلها بيروت.

📍 العنوان

مار مخايل، بيروت

لتعرفوا الموقع بالزبط، إكبسوا هون.

⏰ الدوام

من الاثنين للسبت من الساعة 12 الضهر لحد الساعة 11:30 بالليل

📞 للتواصل

الرقم: 418 814 76

حبيتوا هالمقال؟ شوفوا كمان:

كوكيز ع طربوش أو سيريلاك؟ هالمحل عامل بوكس الطفولة!

بوكس كوكيز مهضوم بيقدر ياخدكن دغري على أحلى أيام الطفولة…