بعد ضجة تعنايل… خوري عم ينافسوا بـ Greek Yogurt جديد!

يوم صار فينا نقول إنو سوق اللبن اليوناني بلبنان ولعان بالمنافسة! بعد ما لبن تعنايل اليوناني عمل ضجّة واسعة لدرجة اختفى من السوبرماركات والناس حتى صارت تبيعوه بالسوق السودا، شركة خوري قررت تفوت ع اللعبة وتقدملنا خيار محلي جديد ل Greek Yogurt.

طيب، شو الفرق؟

خلينا نبلّش بخيارات Greek Yogurt من خوري:

لبن يوناني خوري بلا نكهة: بيجي خيار عادي أو من دون لاكتوز إذا عندكن حساسية، وحجمه 175 غ. كل كباية معها ملعقة جوا، وفيها 15 غ بروتين بلا دسم.

السعر بكارفور: 101,722 ل.ل.

لبن يوناني خوري مع نكهة: النكهات هي فريز، توت، ودراق وحجمه 175 غ. هاللبن بيجي مخلوط خالص مع النكهة (عكس تعنايل) ومعها معلقة جوّا، وفيها 12 غ بروتين بلا دسم.

السعر بكارفور: 115,593 ل.ل.

من الجهة التانية،Greek Yogurt عند تعنايل:

لبن يوناني تعنايل بلا نكهة: بيجي بس خيار عادي (ما عندن بدون لاكتوز) وحجمه 150 غ. كل كباية فيها 12 غ بروتين بلا دسم.

السعر بكارفور: 115,593 ل.ل.

لبن يوناني تعنايل مع نكهة: النكهات هي فريز، توت، ودراق وحجمه 150 غ. هاللبن بيجي مش مخلوط مع المربى، وفيها 10.5 غ بروتين بلا دسم.

السعر بكارفور: 128,539 ل.ل.

إذا منقارن: اللبن اليوناني عند خوري فيها كمية أكبر (175 غ مقابل 150)، بروتين أعلى، وسعر أرخص بشوي. غير هيك عندن خيار من دون لاكتوز.

من الناحية العملية، المعلقة جوّا والمنتج مخلوط خالص بتسهّل الموضوع للناس يلي بيحبوا ياخدوه كسناك ع السريع. ومن ناحية الطعمة، نحنا حبينا خوري أكتر من تعنايل لأنو الطعم غني أكتر، بس لازم إنتو تجربوا وتحكموا!

الخلاصة؟

المنافسة عنجد حلوة! المستهلك اللبناني اليوم صار عندو خيارين محلّيين ل Greek Yogurt: تعنايل يلي سبقت وعملت ضجة، وخوري يلي فاتت بقوة بأسعار أخفّ وتفاصيل عملية أكتر. وهيدا شي بيخلّي السوق اللبناني أغنى وبيشجع الكل يهتمّ بصحتو ببروتين طيب وسناك هيّن.

حبيتوا هالمقال؟ شوفوا كمان:

من بعد ما كسح السوق…تعنايل عم تلمّح لنكهات جديدة!

تعنايل زادت الحماس عند كل الزباين. يعني واضح إنو في شي جديد وطيب عم يتحضّر، بس بعد ما كشفوا عن التفاصيل.