البيك صار بلبنان؟ اكتشفوا محل دجاج جديد متلو!

يلي داق البيك المشهور بالسعودية بيعرف أديه طيّب… وأديه منتمنّى يفتح فرع بلبنان. حظنا حلو إنو فتح محل بيشبهو كتير، خلينا نخبركن عنو.

كرمش بروست Karmesh Broast بصيدا متخصص بالدجاج البروستد، بيجي مقرمش ودهبي من برّا وطري وجوسي من جوّا. من البروستد لـ boneless، عندن كل شي بيشتهيه أي حدا بيحب الدجاج المقلي.

شو بتلاقوا ع المنيو؟

كتير أصناف عندن بتشبه البيك الأصلي، متل وجبات البروستد تشيكن والساندويشات. فيك تجرّب الـ Boneless Beik أو سندويشة الـ Beik Boneless وتشوف أديه قريب الطعم.

وكمان عندن كل الأطباق الجانبية اللي بتتوقعوها، متل التوم، الكولسلو، والبطاطا المقلية، يعني التجربة الكاملة متل الأصلي.

كيف الأسعار؟

الأسعار عندن كتير مقبولة، يعني فيكن بسهولة تاخدوا وجبة كاملة بأقل من $10، وعندن كتير خيارات لتختاروا منها، من أطباق لبرغر أو رابز.

إذا كنتوا بلبنان ومشتاقين لطعم البيك، Karmesh Broast بصيدا هو بديل مميز ليلبي طلبكن بالدجاج البروستد. تأكدوا إنكن تتابعوهن على إنستغرام لتعرفوا المزيد.

حبيتوا هالمقال؟ شوفوا كمان:

محل البيتزا المفضل عندكن بفرع جديد ببيروت!