فريسكو ع جنارك بلبنان…ولد لبناني فتح مشروع!
شي مرة جربتوا فريسكو ع جنارك بلبنان؟ ورا هالفكرة في آدم… ولد لبناني قرر يبلّش مشروع صغير ويتعلّم كيف يشتغل ويعتمد ع حاله. ومن هون طلعت خبرية Adam’s Frisco، وفايت فوتة قوية ع السوق بنكهة الجنارك المميزة يلي الكل عم يحكي عنها.
آدم هدفه يبيع 3000 كباية فريسكو، كل شخص بيدعمو، حتى بكباية وحدة، عم يعطيه دفعة كبيرة ليكفّي.
أما نكهة فريسكو جنارك… فهي غير شكل. طعمة منعشة، حامضة شوي بطريقة بتشهّي، وبتردّكن لأجواء الصيف الحلوة. وفي عالم صارت تجي مخصوص كرمال تجرّبها لأنو الكل عم يحكي عنها! غير نكهة الجنارك الرهيبة، عنده كمان نكهات تانية منعشة وكتير طيبة، مناسبة لهالصيف والجو الحلو.
المحل بيفتح من الساعة 3 بعد الظهر للـ7 المسا لأنو آدم بعدو بالمدرسة.
إذا كنتوا قريبين من الشياح – عين الرمانة، مرقوا لعندو، جرّبوا الفريسكو، وصوّروا ستوريات وعرّفوا أصحابكن على مشروعو… لأنو أوقات الدعم الصغير بيعمل فرق كبير.
📍 العنوان: الشياح – عين الرمانة، مقابل مخفر عين الرمانة وجنب شاركوتيه عون – طابق أرضي – outlet club
📞 الرقم: 098 971 78
تابعوه ع انستغرام هون.
