عم تدوّروا ع أكل صحي؟ 10 محلات بلبنان عندن خيارات لكل نظام غذائي
إذا عندكن حساسية غلوتين، سيلياك، أو بتتبعوا نظام نباتي أو بلا لاكتوز، أكيد بتعرفوا أديه صعب إنو تلاقوا أكل مناسب وما تضطروا تسألوا عن كل مكوّن بالصحن.
لحسن الحظ، صار في محلات لبنانية أكتر وأكتر عم تقدّم خيارات بتناسب كل أنواع الدايت واللايف ستايل، من أكل نباتي وخالي من الغلوتين، لوجبات صحية وحلويات بلا سكر مضاف. لقينا 10 محلات و براندات لبنانية بتقدم أكل صحي بيستاهلوا يكونوا على الليستا تبعكن.
1. LivGood
إذا عم تتعب لتلاقي منتجات بتناسب نظامك الغذائي، LivGood بيجمعلك كل شي بمكان واحد. من منتجات خالية من الغلوتين ونباتية، لخيارات عالية بالبروتين ومناسبة للكيتو، المنصّة بتسهّل عليك التسوّق أونلاين وبتوصّل طلباتك وين ما كنت بلبنان.
فيكن تطلبوا من خلال الموقع الإلكتروني تبعهن أو التطبيق!
2. Agora Beirut
Agora Beirut خيار مريح إذا كنتوا ضاهرين مع مجموعة وكل شخص عنده ذوق أو نظام غذائي مختلف.
الكافيه والمطعم بقدّم بايغل خالي من الغلوتين وخيارات نباتية، ومع منيو واضح بيبيّن المكونات والتفاصيل لتختاروا براحتكن.
3. The Glow Paradise
The Glow Paradise بيثبت إنو الأكل الصحي مش لازم يكون ممل. عندن خيارات gluten-free، نباتي، كيتو، بالإضافة لعصير، سموثيز، ترويقة، أطباق للجيم، برغر صحي، حلويات، وحتى meal plans.
إذا بدكن أكل خفيف وصحي بس بعده طيّب، هيدا المكان مناسب لإلكن.
4. Roselane Café
Roselane Café بيقدّم أكل صحي وطازة، من دون ما يساوم على الطعم. بالمنيو بتلاقوا smoothie bowls، شوربة، protein shakes، وsourdough tartines، وكتير من الأطباق فيكن تعدّلوها لتناسب نظامكن الغذائي.
والأحلى إنو الكافيه بيستعمل مكونات طازة هني زارعينها، وبيستخدمها بخياراته النباتية.
5. Joni Boni
للي عندن سيلياك أو حساسية قوية من الغلوتين، Joni Boni خيار آمن 100% إلكن.
هالفرن خالي بالكامل من الغلوتين ومناسب لمرضى السيلياك، يعني فيكن تستمتعوا بالمخبوزات والحلويات من دون قلق.
6. Sea Slim
Sea Slim صار اسم معروف عند الناس اللي بيتجنّبوا الغلوتين.
البراند بيقدّم وجبات ومنتجات gluten-free، وبيعطيكن خيارات يومية سهلة من دون ما تحسّوا إنها محدودة.
7. Elevate
Elevate مناسب يلي بدّن أكل وحلويات من دون غلوتين، لاكتوز، أو سكر مضاف.
يلي بيميزه إنو خيار عملي وسهل لأي شخص عم يجرب يتبع كذا نظام غذائي بنفس الوقت، إن كان بالوجبات اليومية أو الحلويات.
8. Kiss the Spoon
Kiss the Spoon بيقدّم meal plans تناسب أنظمة غذائية مختلفة، من vegan لـ dairy-free وgluten-free.
البرنامج النباتي عندن فيه legumes، tofu، جبنة بلا لاكتوز، وحليب نباتي، يعني وجبات مشبعة ومتنوّعة من دون منتجات حيوانية.
9. C O A R A
C O A R A بيجمع بين الأكل الصحي وفكرة الـfarm-to-table، مع منيو نباتي وعضوي بيعتمد قد ما فيه على مكوّنات طازة من أرضن.
إذا بتحبّوا الوجبات النباتية المحضّرة من خضرة ومنتجات موسمية، هيدا المكان خيار حلو لإلكن.
10. Quickies
إذا بتحبّوا الحلويات بس عم تتجنّبوا الغلوتين، اللاكتوز، أو السكر المضاف، QUICKIES لإلكن.
حلوياتن gluten-free، vegan، dairy-free، وrefined sugar-free، ومن دون مكوّنات صناعية. يعني فيكن تدلّعوا حالكن بشي حلو وتضلكن ملتزمين بالنظام الغذائي تبعكن.
في محلات لبنانية تانية بتقدّم خيارات مناسبة صحية نسيناها؟ خبرونا، لنضيفها ع الليستا!
