هيدا أكبر فنجان قهوة يمكن تشوفوه بلبنان!

يمكن لقينا أخيرًا فنجان القهوة يلي قادر يصحّينا الصبح عالشغل! لكل شخص ما بيبلّش نهارو بلا قهوة: شوفوا هالفنجان!

إذا القهوة جزء أساسي من نهاركن، لازم تتعرّفوا على CUPPUFF بالجديدة. أول ما تفوتوا، أكيد رح يلفتكن فنجان القهوة العملاق الموجود عندن.

إيه، فنجان قهوة عملاق عنجد! ويمكن يكون من أكبر فناجين القهوة بلبنان. يعني إذا حدا قلكن: “قهوة وحدة بالنهار بتكفّي”، فرجّوه هيدا الفنجان… يمكن هيدا كان قصدو!

ومش بس الفنجان كبير، عندن كمان أطول أرغيلة، والمحل بشكل عام كتير لزيز للقعدة مع الرفقات. فيكن تشربوا قهوتكن، تلعبوا board games، وتضيعوا شوي وقت سوا.

CUPPUFF بيفتح كل يوم من 8 الصبح لـ1 بعد نص الليل، يعني فيكن تمرقوا عليه لقهوة الصبح قبل الشغل، أو حتى تقعدوا فيه بآخر الليل. تابعوه ع انستغرام هون للمزيد.

شوفوا كمان:

لقينا أطيب سينامون رولز بهالمحل ببيروت