غلوريا بلّشت من مطبخ بيتها وعم تقدّم حلويات صحية

إذا بتحبوا الحلو بس عم تفتّشوا عن خيارات أخفّ، أو عندكن حساسية ع الغلوتين أو اللاكتوز، في مشروع لبناني جديد اسمو Glory Gluten ممكن يعجبكن.

غلوريا سيدة لبنانية  بلّشت مشروعها من بيتها، وحوّلت حبها للحلويات لشغل صغير بتقدّم فيه كيك وكوكيز. وكلو بمكونات طبيعية وعالية الجودة، وبأسعار مناسبة. كل منتجاتها خالية من الغلوتين، خالية من اللاكتوز، ومن دون سكر، وبتنخبز طازة بالبيت يومياً.

الفكرة عند غلوريا إنو الخيارات الصحية فيها تكون طيبة كمتن. كرمال هيك، بتعمل حلويات خفيفة وطازة، وبتناسب أكتر من نوع نظام غذائي. هيك ما بتحسّوا إنكن عم تتخلّوا عن الحلو اللي بتحبوه.

من ضمن التشكيلة، في كب كيك بالـMixed Berry، Cranberry Cookies بالفستق، كوكيز بالشوكولا، كمان أنواع مختلفة من الكيك.

أما الكيك، فبيجي بنكهات بتحبوها متل الليمون، الشوكولا، التفاح والمكسرات وغيرا، وكل نوع إلو مكوناته وحشوته الخاصة اللي بتعطيه طعمة مميّزة.

والأحلى إنو كل شي بينعمل من البيت، من التحضير للخبز، وباهتمام بكل تفصيل. يعني إذا بدكن شي حلو مع قهوتكن، تحلاية بعد الغدا، ضيافة أو حتى هدية، فيكن تختاروا من تشكيلة Glory Gluten.

غلوريا بلّشت من مطبخ بيتها، واليوم عم تكبّر مشروعها شوي شوي، وعم تقدّم خيارات حلو مختلفة للّي بدهن شي أخفّ، طازة، وبسعر مناسب. إذا بتحبوا الكيك والكوكيز الصحي، Glory Gluten مشروع صغير بيستاهل تجربوه وتدعموه.

ما تنسوا تابعوهن ع انستغرام هون للطلب أو لمزيد من التفاصيل.

شوفوا كمان:

بتعرفوا مطار بيروت فيه غرفة حسّية للولاد اللي عندن توحّد؟