أسعار بتبلّش من 1$…بازار كبير وصل ع سنترو مول

إذا بتحبّوا التسوّق وتلقطوا شغلات حلوة بأسعار مخفّضة، حضّروا حالكن لـ Grand Bazaar XII بـ سنترو مول، من 1 لـ4 تشرين الأول، 2026.

هالمرة، غراند بازار جايي بتشكيلة واسعة من الألبسة والأحذية للرجال، النسوان والولاد، مع أسعار بتبلّش من $1، يعني فيكن تلاقوا قطع مختلفة وتتسوقوا من دون ما تدفعوا كتير.

خلال 4 أيام، رح يكون فيكن تتسوّقوا من مجموعة كبيرة من الخيارات، من ملابس وأحذية مرتبة، مع تنزيلات بتوصل لـ 70%. والأحلى إنو في عرض إضافي: كل شخص بيدفع $100 بيحصل على $20 خصم زيادة.

البازار رح يكون موجود بـ Centro Mall، وبيستقبل الزوّار بأوقات مختلفة حسب النهار.

شو لازم تعرفوا؟

📅 من 1 لـ4 تشرين الأول
⏰ 1 و2 تشرين الأول: من 3 بعد الضهر لـ9 المسا
⏰ 3 و4 تشرين الأول: من 1 بعد الضهر لـ9 المسا
📍 Centro Mall – الطابق L1

فإذا بدكن تجدّدوا شوية قطع للخريف، تفتّشوا على ألبسة وأحذية للولاد، أو حتى تعملوا برمة وتشوفوا شو فيكن تلقطوا بأسعار حلوة، غراند بازار وجهتكن هالويك-اند.

شوفوا كمان:

أشهر سوبرماركت فرنسية فتحت فرع جديد بالحازمية!