٥ أشيا بلا طعمه بطير المعاش عليهن

آخر أيام بالشهر بتكون صعبة على الكلّ… الأصحاب بالشغل ناطرين المعاش..حدا ناطر على screen عم يعمل refresh لحسابو بالبنك والتاني ناطر صوت المسج على التليفون ليتأكد إنو وصل المعاش وفجأة بس تنزل النعمة بيطلع صوت وزقيف وفرح.

وإذا نزل المعاش نهار الجمعة بتلاقي الكل عم يعمل upgrade لسهرتوا وبدل ما يبلش درينكس عند “أحلى عالم” ببلش ب شي pub بمار مخايل.

فإذاً كلنا صرنا متفقين إنو المعاش ببيروت فعلاً إلو جوانح وما منعرف كيف بيختفي، كرمال هيك خلينا نطلّع على خمس أسباب لهيدا الشي:

١- Happy hours وكاس بعد الشغل:

ما رح تقدر تقاوم بعد نهار طويل كاس بمار مخايل أو بدارو أو شي alleyway تانية. صوت صاحبك على الخط عم يقنعك تروح ويلا مان كلا درينك. بس اللي ما منعرفوا إنو الدرينك بجرّ درينك وال Happy Hour بتخلص على الساعة ٨ ويلا دفاع الفاتورة إنت ونص tipsy وكتّر tips لأنو الويتر مهضوم.

٢- الرود تريبز بال weekend:

لأنو أصحابك قرروا يكتشفوا لبنان بسيارتك، ما فيك كل Weekend إلا ما تدوّر هالسيارة وتلم أصحابك صوب الجنوب والشمال عالحدود يعني. وبس يسألوك إذا بتحب to share البنزين إنت رح تعمل فيها شهم وترفض أكيد.

٣- الفاليه باركينغ والباركينغ بالweekend:

أنت طبعاً لأنو ما بتحب تنزع سيارتك وكرمال ما تمشي كتير رح تقرر توصل عباب المحل وتعطي سيارتك للفاليه باركينغ اللي أكيد رح يحافظ عليها أكتر منك. وبس تسألوا قداي بتريد أستاذ يا رح يقلك١٠٠٠٠ أو متل ما بتريد حضرتك…وطبعاً إذا قررت تصف بشي باركينغ بالweekend تذكر إنو رح تدفع double اللي بتدفعوا بالأسبوع.

٤- إيجار البيت:

طبعاً وبما إنو إنت صرت شخص مستقل وكبير ورافض لكل وصايا الأهل قررت تنقل وتعيش لحالك. وكرمال هيك إنت قدام خيارين مش أكتر يا بتدفع نص معاشك على شي شقة حلوة نظيفة فيها كل شي أو بتدفع مبلغ قليل حق شي كنابية بشي شقة فيها شي ٥ أشخاص.

٥- العشا الفخم:

أكيد رح يقطع عليك مرة بالشهر هيدا الرفيق القرر يعمل عيد ميلادو بشي محل fancy مع عشاء كتير شهي وأنت مجبور تكون على راس الطاولة وما تقفي شي من ال Menu. وإذا قررت ما تاكل، بالآخر بيبخعوك وبيقسموا الفاتورة.

وبهيك بعملية بسيطة منكون عم نوفّر شوية مشي على البنك ومنسحب المصاري مرة وحدة ومنطرهن مرة وحدة كمان ومنعيش باقي الشهر على الcredit card وماما عطيني٥٠٠٠٠ بشرفك معاشي ما عم يقديني..بليز لأنو بريستيجي ما بيسمحلي!