ليستات
اشيا بس طلاب الجامعة اللبنانية لح يفهموها
بكتير أوقات منسمع حوالينا تصنيف عن الجامعات بلبنان. فمثلاً إذا غلطت شي مرة وطلعت تلميذ AUB أو LAU رح تتصنف دغري إنك "دلوع البابي" وما إلك خلق تعمل شي. وإذا طلعت تلميذ USJ دغري الناس رح تعتبرك Frenchie couco وتبلش تحكي معك فرنس "بونجور cavaaaa??".
بس المشكلة إذا طلعت تلميذ لبنانية، ليه مشكلة؟ لأنو الناس يا رح تفكرك عبقري وإنو كيف قدرتك تنجح بالجامعة اللبنانية أو تصنفك إنو ما بتعمل شي بالحياة غير الدرس. بس على قولة المثل "اللي بيعرف بيعرف واللي ما بيعرف بيقول كف عدس". يعني بالمختصر اللي عايش بقلب الجامعة اللبنانية مش متل اللي عم يشوف الصور من برا.
والمضحك أكتر إنو رغم كترة فروع الجامعة وإختلاف الطلاب فيها بأفكارهن وإنتمائتهم السياسية والطائفية في شي واحد بيجمعهن وهوي تجربة التعلم بالجامعة اللبنانية.
فإذا أنت عم تقرا هالمقال وتعلمت بالجامعة اللبنانية أكيد رح تعرف هالقصص:
١. اليوم بلشنا بكرا إضراب:
ما رح يقطع سنة دراسية إلا وما يكون خلالها في إضراب. منعرف أمتان رح يبلش بس ما منعرف أمتان رح ينتهي!
٢. الدورة التانية بنص الشوب والصيفية:
أكيد ما في حدا بالجامعة اللبنانية ما قطع دورة تانية. وبالتالي راح نص صيفيتو إذا ما كان رح كلها.
٣. سؤال حيّر العلماء:
أمتان التسجيل والدفع بالجامعة: من الطبيعي إنو ما تعرف أمتان رح تبلش السنة الدراسية. سنة بتبلش بأيلول والسنة التانية بتشرين.
٤. نطرة العلامات على tableau:
ما في حدا ما نطر العلامات حتى تتعلق على وراق كبيرة على المدخل وبدك تفتش ساعة على إسمك ورقمك وتشوف إذا ناجح وطبعاً كل اللي معك بيعرفوا علامتك.
٥. الكافيتريا:
branding coca cola منقوشة أبو عبد والنسكافيه بعزّ الشتوية وإنت طالع على الصفّ.
٦. ولا مرة رح تمارس حقك بالإنتخاب:
لأنو الإنتخابات ممنوعة بالجامعة من عشر سنين
٧. رح تنسى طعم النوم:
أكيد إنو ساعات نومك رح بتقلّ ورح تنسى أمتان آخر مرة نمت فيها لفترة طويلة.
مهرجان التين راجع ع عاليه… تين وموسيقى وجو قروي (دخول مجاني)
١٦ سبتمبر ٢٠٢٦
Costco وصل ع سبينيس بلبنان – كيف الأسعار وشو رح تلاقوا؟
٢٣ سبتمبر ٢٠٢٦
لكل محبّي اللبن اليوناني، هيدا المحل الجديد ببيروت إلكن
٣٠ أغسطس ٢٠٢٦
هيك أسعار آيفون 18 الجديد بلبنان حاليًا
٢٣ سبتمبر ٢٠٢٦
9 محلات ببيروت إذا بتحبّوا الكاسيتات والفينيل
١٤ سبتمبر ٢٠٢٦
يلا، الموقع صار بين إيديكن! اسألونا شو ما بدكن!
أو ابدأ بأحد هذه الاقتراحات