٣ من أجمل المطاعم الرومانسية بأنفه

زرتوا أنفه هالصيفية ولا بعد؟ المنطقة اللي بتتميز بالبيوت الزرقا والبيضا اللي بتذكركن باليونان، البحر الصافي، ومنظر غروب الشمس الساحر. عملنا برمة على أطيب مطاعم أنفه ولقينالكن 3 مطاعم رومانسية مميزة.

1. مطعم وسيم عالبحر

مطعم وسيم من أجمل مطاعم أنفه الرومانسية القاعدة على البحر. بتنبسطوا مع الشريك بأكل طيب على تراس بيطل على البحر

وغروب الشمس مع كاس نبيد وجو غرامي.

عندو منيو مأكولات بحرية مميزة من القريدس المشوي، السمك الطازة، الكالماري، وال Paella الشهية. بيتفنن بالمازة اللبنانية والبحرية وعندو طبق التبولة بالقريدس غير شكل.

الرقم: 124 180 70

2. Salim Sur Mer، تحت الريح

المطعم بيقدم تراس فوق البحر وسمك طازة طيب. مكان رومانسي بيطل على جمال أنفه موجات البحر، من أفضل المطاعم الرومانسية اللي ممكن تجربوها مع الشريك هالصيفية وعندو مأكولات بحرية بتناسب كل الأذواق من سمك مقلي ومشوي، للكاليماري و القريدس المشوي مع الصوص والسلطات الطيبة. وبعد ما تخلصوا بتنزلوا على البحر وبتقضوا وقت غير شكل.

الرقم: 472 330 03 – 172 585 70

@beirut.com Dive into deliciousness at Salim Sur Mer!🐠🍴A seafood paradise in Anfeh that's off the scales! 🌊🦐 #SalimSurMer#Anfeh #Seafood#fish#shrimp#sea#fyp#lebanon ♬ Big in Japan (2019 Remaster) – Alphaville

3. مطعم البيدر

مطعم البيدر بيقدم قعدة رومانسية على غروب الشمس تحت الشماسي وعلى صوت الموج وبين الأضوية الخافتة. بتنبسطوا بسفرة غير شكل من المأكولات البحرية من كل الأصناف و المازة اللبنانية الشهية مزينة الطاولة على مد نظركن.

الرقم: 663 435 70 – 942 542 26

شوفوا كمان، كدشة سمك وتراس رومانسي عالبحر ناطركن بهل مطعم