ودعوا الصيفية بالمهرجان اللاتيني الضخم بجبيل!

بتحبوا جو الرقص والحماس؟ أو عم تفتشوا على محل لتختموا فيه موسم الصيف؟ ما تروحوا عليكن المهرجان اللاتيني هالأسبوع، مهرجان مولّع الدني بمدينة جبيل ورح يضوي آخر ليالي آب الصيفية ويستقبل أيلول بجو روعة! خلونا نشوف شو ناطركن بالمهرجان!

إذا بتحبوا الرقص والموسيقى اللاتينية الحلوة، وحابين تغيروا جو مع العيلة والولاد أو مع أصحابكن، وتجربوا أكل طيب، إنطلقوا على Eddésands بجبيل وعيشوا أحلى الأجواء بالمهرجان اللاتيني! المهرجان رح يبدا ب 31 آب ويضل ل 4 أيلول، مهرجان رح يضوي شط جبيل من الميل للميل على 5 ليالي مميزة!

هالمهرجان الضخم رح يضم إحتفالات روعة، وقعدة خيالية عالبحر، وجو حماسي! ناطركن تدريبات الرقص اللاتيني من فرق رقص من أنحاء العالم ومدربين محترفين، حفلات موسيقية لزيزة. وكمان عروضات لأكتر من 100 فنان و DJ لايف. عشوات طيبة وحفلات على المسبح، وقصص كتير حلوة ناطرتكن.

كيوسكات للأكل من برغر وبيتزا وهوت دوغ وأطباق لاتينية طيبة! وحتى بتلاقوا صاج وأكل شارع لبناني، حلويات وشوكولا وعصير ومشروب، كل ممكن يخطر عبالكن من الأكل الطيب ليكمل الجو على الآخر.

شو ناطرين؟ إنضموا للمهرجان هالأسبوع وما ترحوا عليكن جو مميز وما بينتسى هالصيف!

للمزيد من المعلومات عن برنامج المهرجان اللاتيني، تابعوا آخر المستجدات على حساب المنظمين على الإنستغرام هون.

شوفوا كمان، ع صعيدي: سهرة “هز يا وز” مصرية وركوب جمل عند هل محل بلبنان