بقسمة: تحلاية الشتوية من التلج الأبيض، مين بيعرفها؟

شو بيخطر ببالكن بس تسمعوا كلمة “بقسمة”؟ كتير منا بيروحوا بذكرياتن لوقت كانوا زغار وبيتذكروا طعمة الدبس المخلوط مع سقعة التلج الأبيض النضيف. اليوم قررنا نعيد هالذكريات ونحكيلكن شو هي هيدي التحلاية الشتوية اللي كانوا كل ولاد الضيعة يحبوها.

بتتذكروا زمان لما كنا زغار شتوية لبنان كان كتير غير، كان البرد بيقرص قرص! وكان الشتي يلبس الأرض تلج أبيض لشهور وشهور من أول كانون الأول، وما كنا ننظر لشباط لتنزل أول تلجة. وبوقتها مش كل الناس كانوا قادرين يطلعوا كتير من بيوتن ليجيبوا أكل أو تحلاية. فكانوا بس يشوفوا التلج أبيض ويكون سميك متل البوظة، يحملو معن شوية على البيت بجاط. وهيك بلشت هالتحلاية تنتشر بين الناس. هيدي التلجة النضيفة والطازة هي اللي كنا نسميها بقسمة، أكلة الشتا المميزة اللي كنا نتجمع حولها ونفرح فيها.

بقسمة أكلة الشتوية، إلها طريقتها و أصولها

كنا نجيب التلجات ونخلطن مع طعمات مختلفة، كل واحد كان بيعمل بقسمتو حسب ذوقو. في يلي كانو بيعصروا معها ليمونة أو حامضة مع شوية سكر، وفي يلي كانو يزيدوا عليها دبس العنب أو دبس التفاح أو حتى الخروب كرمال يعطوها طعمة حلوة وحامضة بنفس الوقت. في ناس كمان بيحطوا معها رمان وشوية قرفة، وهلق صارت الموضة الجديدة إنها تنخلط مع شوية نبيد أحمر، ليمنحكن شعور بالدفا والصقعة بنفس الوقت! شعور كتير حلو ولذيذ وبدفي القلب!

بهالطريقة البسيطة، كانوا جدودنا يعملوا بقسمة خاصة فيهن بثواني، ويقعدوا سوا ويحكوا وياكلوا ويعملوا أحلى ذكريات حد الصوبيا.

حتى بعدنا لليوم، كتار من ولاد الضيع ما تخلوا عن هالعادة القديمة وبعدن بينطروا مناطرة أول تلجة ليعملوا أطيب بقسمة.

@reemzebian89 @assmahanzebiane @ayazebian #ya2sama #baileys #cheerstonewbeginnings #foryou #lockdowntiktok #fypシ゚viral ♬ Taste – Tyga

اليوم، لما تسألوا أهلكن كيف كانوا يقضوا الشتوية بالضيعة بس كانوا زغار أكيد حيقولولكن إنو بالصيفية كنا ناكل حميضة وبالشتوية بقسمة. وحتى يللي مقريرن يطلعوا على الجبل والضيع هالشتوية، ما تنسوا تجربوا تحضروا بقسمة خاصة فيكن مع الطعمة لي بدكن ياها وعنجد فيكن تزيدوا الطعمة لي بدكن ياها لأنها شي حرزان وكتير.

بتقدروا تخلطوا حيلا شي بالتلجات اللي بتجمعوهن لأنو أساساً طعمتن متل البوظة (بشرط إنو يكون التلج نضيف وناعم وأبيض كتير). نصيحة جمعوهن عبكرا الصبح لتتأكدوا إنو التلج بعدو طازة!

مع إنو موسم التلج صار أقصر بلبنان والتلج قل، والناس بطّل فيها تستمتع بهالتحلاية المميزة متل قبل، بس فيكن تسفيدوا هلق الموسم المناسب. المرة الجايي لي بتطلعوا فيها على الجبل، ما تنسوا تحضروا بقسمة خاصة فيكن وما تنسوا تخبرونا عن تجربتكن!

شوفوا كمان، شوفوا معنا ٤٦ متل لبناني مهضوم عن شهر شباط!