أفخر نوع كنافة نزل ع السوق: كنافة الداعوقية!

لأنو صرنا بشهر رمضان المبارك، كتير من محلات الحلو عم يبدعوا بأطيب أنواع الحلويات. وخصوصاً الحلو العربي أو التقليدي اللي ما بيترك أي سفرة إفطار رمضانية! من بعد ما خبرناكن عن فرويو الداعوقية المتلج، جبنالكن تجربة بعد ع أطيب لوحدة من ألذ الحلويات البيروتية المفضلة عنا: كنافة الداعوقية.  وهالنوع من الكنافة جمع أشهى شغلتين بالعالم بقلب كعك وحدة، مشوا نتعرف عليها. 

نزّل محل الداعوق المحبوب مؤخراً كنافة الداعوقية لكل عشاق السكر والفستق. وع فكرة حلويات الداعوق هني اللي إخترعوا حلو الداعوقية، واسمها جايي من اسم المحل. 

وللصراحة، مين ما بيحب يدوق كعك كنافة محشية جبنة دايبة مع قطع من الداعوقية بالفستق الحلبي والقشطة، ومغمورة بالقطر؟ طعم عنجد من الأحلام، خصوصي هلق برمضان بتفتح نفسنا على الحلويات أكتر وأكتر. ويمكن من أكتر الأشيا المميزة بهالكنافة انها بتضيف لمسة خاصة ع نوع من الحلويات التقليدي والكلاسيكية بالبلد!

كرمال هيك، بأي نهار بيخطر عبالكن تتحلوا داعوقية، كنافة، أو كنافة الداعوقية، كل اللي عليكن تتوجهوا عند حلويات الداعوق بالضاحية أو ع طريق الجديدة وتدوقوا الإبداع اللبناني بشغل الحلو.

للتواصل أو المزيد من المعلومات، اتصلوا ع الرقم: فرع الجديدة 203 300 01 – فرع الضاحية 182 919 78 – 182 919 70. 

خبرونا، حبيتوا هالحلو الجديد؟ ومع مين بتجربوا؟ تاغ بالكومنتس!

شوفوا كمان، ١٨ صنف حلو تهدوهن بس تكونوا معزومين ع الإفطار!