ما تفوتوا مهرجان الدراق بكفيا السنوي! (الدخول مجاني)

إذا بعدكن ما حسمتوا وين تطلعوا هالويك-أند، مهرجان الدراق السنوي – بكفيا هو واحد من أحلى النشاطات الصيفية يلي ما لازم يفوتكن.

11 و12 تموز، ساحة السرايا رح ترجع تنبض بالحياة مع مهرجان الدراق، يلي بيجمع أجواء الضيعة، منتجات محلية، الموسيقى، والأكل الطيب بساحة وحدة.

من أول ما توصلوا، رح تستقبلكن صناديق الدراق الطازة، ريحة المربيات والمونة البلدية، وكيوسكات مليانة منتجات حرفية ومحلية بتعكس روح بكفيا وأهلها. وإذا كنتوا من محبّي الأسواق القروية، هالمهرجان فرصة تمشوا بين الأشغال اليدوية، تتذوّقوا أطيب المونة، وتدعّموا المنتجين المحليين.

وما رح يكون الدراق هو نجم المهرجان الوحيد! البرنامج مليان نشاطات لكل العيلة، من مسرحيات للأطفال، لحفلات موسيقية وسهرات لبنانية بتخلّي الساحة كلها غنا ودبكة.

وهيدا برنامج مهرجان الدراق – بكفيا:

📅 السبت 11 تموز

🕡 6:30 المسا – Aloha Playlo

مسرحية للأطفال.

🕘 9:00 المسا – رامي مراد

سهرة لبنانية مع دبكة وأجواء تراثية.

📅 الأحد 12 تموز

🕡 6:20 المسا – Tropical Boom – Louna

عرض للأطفال.

🕗 8:00 المسا – ميشال صوايا

حفلة موسيقية.

🕤 9:30 المسا – كريستينا حداد

حفلة موسيقية.

الأحلى إنو الدخول مجاني، يعني فيكن تزوروا المهرجان وتستمتعوا بالأجواء من دون أي كلفة.

بكفيا هي وجهتكن الأحلى هالويك-اند! تخيّلوا نهار صيفي ببكفيا: قعدة حلوة مع العيلة أو الأصحاب، دراق طازة، أكل طيب، موسيقى، وفرح معبي الساحة. للمزيد من المعلومات، تابعوا بلدية بكفيا ع انستغرام هون.

شوفوا كمان:

أجمل 55 محل تتفرجوا ع غروب الشمس بكل لبنان