لقينا 14 محلّ برا بيروت بيستاهلوا المشوار

مش كل مطرح حلو لازم يكون ببيروت. إذا كنتوا مستعدين تعملوا مشوار وتغيّروا جو، هالمطاعم، الكافيهات والمطارح المخبيّة بيستاهلوا الطريق، وبيثبتوا إنو في كتير تجارب حلوة ناطرتكن برا المدينة.

كافيهات ومطاعم برا بيروت بتستاهل المشوار:

1. WASAI، عاليه

إذا عم تدوّروا على سبب يخليكن تطلعوا ع عاليه غير جو البرود، خلّوا WASAI يكون هيدا السبب.

هالمطعم الآسيوي العصري بيقدّملكن تجربة مختلفة، مع منيو مليان أطباق صينية غنية بالنكهات، بالإضافة لرولز السوشي الطازة من مطعم السوشي المحبوب Sushi Bell، وكل هيدا بمطرح واحد.

فيكن تتشاركوا الأطباق مع أصحابكن، أو تختموا نهاركن بعاليه بقعدة حلوة. والمشهد من عندن بيكمّل التجربة، مع إطلالات واسعة عالجبال وغروب بيستاهل تنطروا كرماله قبل العشا.

ما جرّبتوا WASAI بعد؟ نحنا عنا فكرة عن شو لازم تطلبوا! اكبسوا هون لتشوفوا أطباق WASAI يلي لازم تجرّبوها.

وتأكدوا تتابعوهن ع إنستغرام لتتعرفوا أكتر.

2. BRÛME Coffee Bar، جل الديب

إذا بدكن قهوة مختصة، معجنات طازة ولقمة خفيفة بمطرح هادي ومريح، BRÛME خيار حلو. فيكن تقعدوا مع أصحابكن، تشتغلوا شوي، أو حتى تاخدوا بريك من نهاركن وتستمتعوا بالقعدة.

3. Seves، ضبية

لغدا، عشا أو حتى قعدة حلوة مع الرفقات، Sèves بيجمع بين الديكور المرتب، الأطباق المبتكرة والأجواء الحلوة. المنيو فيها نكهات متنوعة وتقديم عصري، والمكان مناسب لقعدة م الرفقة أو لمناسبة خاصة.

4. Meats & Bread، النقاش

إذا البرغر، السندويشات والبريسكت من المفضّلين عندكن، Meats & Bread أكيد رح يعجبكن. عندن برغر وسندويشات دسمة، ولحمة مطبوخة ع نار هادية، يعني وجبة بتشبع وبتشهي من أول لقمة لآخرها.

5. Salt Fish، النقاش وفقرا

Salt Fish بيقدّملكن السي فود بطريقة مختلفة، مع أطباق مستوحاة من نكهات المتوسطية والآسيوية، من الساشيمي والـhand rolls للأطباق الخفيفة يلي بتشاركوها عالطاولة. ومع الأجواء الحلوة والمشروبات، المكان مناسب لقعدة عشا بتطوّل مع الرفقات.

6. SOMO، ضبية وجبيل

إذا السي فود هو نقطة ضعفكن، SOMO أكيد بيستاهل التجربة. المنيو عندن مليانة مأكولات بحرية طازة، من الأطباق الكبيرة يلي بتشاركوها سوا للمقبلات الملوّنة والنكهات المختلفة. تجربة بتغيّرلكن عن المطاعم البحرية التقليدية وبتخلّي القعدة أحلى مع الرفقات.

7. Jardin de Ksar، ضبية

إذا بدكن تبعدوا شوي عن ضجة المدينة، Jardin de Ksar هو المكان. القعدة بين الخضار، مع الأكل والمشروبات والجو الهادي، بتعطيكن إحساس إنكن أخدتوا بريك حقيقي عن كل شي. ومش غريب إنو غدا بسيط يتحوّل لقعدة طويلة مع الرفقات.

8. Le Mashwa، المكلس

إذا حابين تاكلوا أكلة لبنانية عالأصول، Le Mashwa بيقدّملكن سفرة عامرة بالمازات والمشاوي، مع تراس بإطلالة حلوة عالجبال بتكمّل القعدة.

9. KYMA، جونية

شو أحلى من عشا والبحر قدامكن؟ KYMA موجود ع واجهة جونية البحرية، وبيقدّملكن مأكولات بحرية طازة ضمن أجواء عصرية وإطلالة بتفتح النفس.

10. بيت ست الكل، حمّانا

إذا كنتوا بحمّانا، ما تفوّتوا Beit Set El Kell. هالمطعم الجبلي بيقدّملكن أكلات لبنانية بيتية طيبة، بأجواء دافية وهادية بتخلّي القعدة تحسّها متل قعدة ببيت تيتا.

11. OURS Café، زحلة

من الجواهر يلي لازم تجربوها لما تطلعوا ع زحلة. عدا عن القهوة الطيبة، الحلويات، واللقمة الشهية، بيعملوا ديكور موسمي مميز لتاخدوا أحلى صور.

12. العنّاب، بمكين

المشوار ع بمكين لحالو بيستاهل كرمال الطبيعة والمناظر، بس Al Innab بيعطيكن سبب زيادة لتروحوا. المطعم محاوط بالشجر وبيقدّم مازات لبنانية، مشاوي وأطباق موسمية، والأحلى إنكن تاخدوا وقتكن بالقعدة وتستمتعوا بالأكل والجو على رواق.

13. منير، برمانا

منير من المطاعم يلي دايمًا بيستاهلوا المشوار. إذا نفسكن بمازة لبنانية عالأصول، مشاوي عالفحم وقعدة بين الجبال، هالمطعم الكلاسيكي بعده من الخيارات المفضّلة لقعدة لبنانية ع الأصول.

14. French Brasserie

وإذا بدكن تغيّروا عن الأكل اللبناني، French Brasserie خيار حلو ببرمانا. المنيو بتجمع أطباق فرنسية كلاسيكية، ستيك وحلويات، ضمن أجواء مرتبة ومريحة.

نسينا نذكر مكانك المفضل؟ خبرنا!

شوفوا كمان:

عام وببلاش…شط ضبية الرملي رجع من جديد!