لقينا أطيب سينامون رولز بهالمحل ببيروت

إذا بتحبوا سينامون رولز، حضّروا حالكن لهيدي الجوهرة ببيروت. لقينا Kinu، مخبز صغير جوّا BARON بمار مخايل، وعندن cinnamon rolls شكلها لحالها بتغريكن مشوار بس كرمالها.

Kinu بيفتح بس نهار الأربعاء والسبت، من الساعة 11 الصبح لحد ما تخلص الكمية. يعني إذا بدكن تلحقوا تجربوا ألذ سينامون رولز ببيروت، روحوا بكير.

والاسم وراه قصة حلوة. “Kin” يعني الناس القريبين منكن، و“kinn” بالعربي يعني المأوى اللي بترجعوا إلو. وللصراحة، بيلبف للجو البيتوتي والدافي يلي بتحسوا فيه لما تدخلوا لعندن.

الرولز عندن بيجوا بطبقات ملفوفة، حشوة قرفة كريمة، وطبقة glaze من فوق. شكلها طرية ومليانة من جوّا، ومن النوع اللي بدكن تاكلوها وهي بعدها سخنة مع فنجان قهوة.

فإذا عبالكن تجربوها، تذكّروا: الأربعاء والسبت، من الساعة 11 الصبح لحد ما تخلص الكمية.

وبما إن Kinu موجود جوّا BARON، فيكن كمان تمرقوا تاكلوا وتشوفوا شو عندن. BARON من الأماكن المعروفة بمار مخايل، وبيقدّم أكل مستوحى من المطبخ الشرقي والمتوسطي.

شوفوا كمان:

دوقوا بوظة الصبّير بهيدا المحل ببيروت!