٥ إشياء رح تحسّها لما تزور قرايبك بالضيعة

إجى وقت طلعت الضيعة وأهلك قرروا إنو لازم يزوروا كل القرايب. وإذا إنت كنت عم تموت لازم توقف تنسى الموت وتكون مع العايلة بهيدا النهار التاريخي اللي ما فيك تهرب منه.

ومن الطبيعي تكون غم تحس بضيقة وخنقة ونهار ضايع على الواجبات العائلية اللي ما كتير بتفهمها. بس الشي الكتير حلو ومضحك إنو كل حدا منا عم يزور القرايب رح يشعر بالقليلة بوحدة من الخمس أشياء التالية:

١. كيف الشغل وشو بتشتغل عمو:

لما حدا يقرر يسألك شو بتشتغل وفجأة تصير الأنظار موجهة عليك وأنت بدك تفسّر للحضور الكريم شو بتشتغل. ونظرات أمك وبيك عليك لحتى ما تخيّب أملهن.

٢. ما فيك ما تاكل الحلو شغل دياتي تانت:

إذا إنت عندك حساسية على شي أكلة معينة، إيه إنسى… أنت مجبور تدوق كل شي موجود قدامك وإلا القصة بتصير شخصية وبصير في ثار بين العيلتين.

٣. تياب العيد:

هاي بتصير بأيام العيد: لأنو تياب العيد ما بيشبهوا أي تياب بتلبسهن بأي نهار عادي إنت مجبور تنكش الخزانة وتفتش على التياب المناسبة واللي ما زابطين على بعض لحتى تلبسهن.

٤. شجرة العايلة:

شجرة العايلة والتسلسل الإداري كتير مهم. يعني إنت لازم تكون حافظ قبل ما تروح أسماء ولادهن وأحفادهم وتسألهن عن كل حدا منهن بالتفصيل الممل. وإذا نسيت شي إسم بالغلط فيك تعتبر إنو الزيارة انقلبت لحزن ودراما بالبيت بس ترجع.

٥. الولد المهذب الخلوق:

بالزيارة رح تتحول للطفل المهذب الخلوق اللي بيفهم بالعادات والتقاليد واللي مبسوط كتير إنو عم يرجع يشوف القرايب. وكمان رح تتضطر توافقهن الرأي على إشياء ما بتأمن فيا وتضلك تذكرهن إنو إنت بعدك منن.