٩ محلات شاورما لازم تجربوها بلبنان: لقمة طيبة ووفيرة على الجيبة

شو في أطيب من الشاورما؟ أكيد ما في شي أطيب منا على القلب ونحنا منعرف حبكن للشاورما لهيك جمعنالكن تسع محلات بيعملوا شاورما كتير طيبين ومش آخدين حقهن.

1. سناك أطيب شاورما، بيصور

أول شي لازم تعملوا بس تروحوا على بيصور تاكلو شاورما إكسترا توم مع كبيس وبطاطا.

الرقم: 660 461 76

2. مايسترو شاورما، كورنيش المزرعة

هل محل إختصاصي شاورما، ساندويشات وبرغر وحتى السوشي عملو منو شاورما.

الرقم: 348 658 01

3. كلاسيك شاورما، طريق المطار

بيعمل شاورما إكسترا مع كل شي بيخطر على بالكن برمضان موجود عروضات. وتخايلوا إنو بيعملوا غاتو طوابق على شاورما والأسعار بتجنن.

الرقم: 095 886 70

4. شمعة شاورما، طريق الجديدة

عند هل محل ممنوع تجوع لأن كل شي بيعملوا بشبع ولا أطيب من هيك والأسعار كتير حلوة. بيعملوا ساندويش شاورما مكسيكي روعة.

الرقم: 891 730 81

5. شاورما الصفا، حمانا

يلا على حمانا بهل الطقس الحلو لتجربوا أطيب شاورما بالمنطقة بخبز المرقوق مع صحن بطاطا وكبس شي بشق النفس. صار عندن كمان فرع بعاليه والأسعار نار.

الرقم: 951 557 05

6. لفة شاورما، البترون

شو الشباب؟ شوفوا هل محل شو طيب بيعمل شاورما عذوق ذوقكن. مش بس هيك، عندن إختراعات بتشق النفس متل شاورما على سجق والشاورما لحمة مع إكسترا طراطور هيي العشق بحد ذاتو.

الرقم: 440 740 06

7. شاورما شوقي، صيدا

عبالكن تاكلو شي مميز؟ ولا أطيب من هيك شاورما شي بشهي عند معملم الشاورما شوقي يلي بيدعمها منيح مع صحن كبيس وسلطة وبطاطا.

الرقم: 445 502 71

8. بس شاورما، كفررمان-النبطية

إذا بتحبوا الشاورما على الفحم لكن لازم تجربوا هل ساندويشات وعلى طول عندن أصناف جديدة متل الكريسبي شاورما.

الرقم: 862 125 79

9. بيروت بروستد وشاورما، الطريق الجديدة

محل كتير طيب بيعملوا ساندويشات شاورما بالخبز اللبناني محمصة والتوم عم يشرشر منا وطعمة الكبيس والبطاطا بتشهي. حزروا شو كمان؟ عاملين عروضات ورجعت عندن الأسعار متل إيام ال1500

الرقم: 711 997 81