٩ مطاعم مناسبة لضهرة مع الولاد بلبنان

عبالكن ضهروا الولاد بالويك-أند؟ مش عارفين وين؟ رح ناخدكن جولة على ٩ أماكن بقدموا نشاطات مختلفة للولاد مناسبين لكل الأعمار والأذواق لتنقوا شو أكتر شي ولادكن بحبوا أو شي جديد عبالكن تجربوا كلكن سوا.

١. لابوهيم، مار موسا-الدوار

هل مكان موجود بالطبيعة وفي عدد كبير من الأنشطة يلي بتسلي الولاد وفي كمان مطعم بيعمل أكلات سريعة وقصص بحبوها الولاد. في أدراج ملونة، وصالات لعب وعصير وقصص بتجذب الولاد وهيك بيلتقوا كمان بغير ولاد وييتسلوا كلن سوا.

الرقم: 647 411 03

٢. مطعم بحيرة بنشعي، زغرتا

المشوار على بنشعي حرزان خاصةً مع الولاد، هيك بتاخدوهن مشوار ببحيرة بنشعي وبتعرفوهن على محل جديد، غير الأكل الطيب في نشاطات للولاد وفي حديقة حيوانات كتير مهضومة رح يكيفوا فيها الولاد.

الرقم: 500 550 06

٣. بيوماس، جربتا

القعدة بالطبيعة ما بينشبع منا، هل محل بيتميز بطاولات الخشب والقعدة عندو بتفتح النفس. الأكل كتير طيب وطازا، شغل مزرعتن الخاصة وهيك بطعموا ولادكن شي صحي. هل محل عندو فسحة كبيرة وألعاب ومراجيح وتكايات وشراشف لح ينغرموا فيا الولاد.

الرقم: 532 532 03

٤. سوينغز، زرعون-المتن

هل محل عندو نشاطات وألعاب ترفيهية ورياضة بأحضان الطبيعة والشجر. إذا ولادكن كتير حروكين وبحبوا يلعبوا وينطوا، هل محل رح يكيفوا علي. عندو كمان مطعم بقدم مأكولات غربية ولبنانية مناسبة لجميع الأذواق وبأحسن السعار.

الرقم: 648 796 03

٥. وادي شمسين، البقاع

بقلب سهل البقاع في مطعم رائع متخصص بتقديم الأكل اللبناني وبوفر فرصة استثنائية لتناول الطعام جنب النهر. وأكيد الولاد رح يكيفوا لأن النشاطات ما بتخلص، ATV، تجديف، paintball، شوفة الحيوانات وغيرها. حققولن حلمن بهل محل!

الرقم: 377 677 81

٦. ذا لينك The Link

هل مطعم مناسب ليعيشوا ولادكن تجربة جديدة ويجربوا لعبة البولينغ والألعاب الإلكترونية إذا كانوا بحبوا التحدي والقصص الإلكترونية. أكيد في مطعم كمان عندو كل أنواع المأكولات اللبنانية والفاست فود.

العنوان

الفرع الأول: أنطلياس

الرقم: 407 403 04

الفرع التاني: المكلس

الرقم: 416 490 01

الفرع التالت: صيدا

الرقم: 964 990 07

٧. طاولة عميق، البقاع الغربي

القعدة بهل محل بترد الرود وبتطل على سهل البقاع الكبير. إذا بعد ما فرجيتوا ولادكن على سهل البقاع، هل محل رح يسحرن ويخليّن يشوفوا الجانب الأحلى من بلدنا ويتعلقوا بالأرض. السفرة لبنانية تقليدية وغنية وشغل إيد ستات الضيعة، وفي مساحات واسعة ليلعبوا ولادكن.

الرقم: 481 004 03

٨. مطعم شاغور حمانا، حمانا

هل محل بطل على شلالات حمانا الحلوين، يعني رح تاخدوا ولادكن على ضيعة حمانا وتفرجوهن ساحة الميدان وتشتروا كرز وبوظة على كرز، ترجعوا تقعدوا بالمطعم وتستمتعوا بالفيو الحلو، صوت المي والأكل الطيب.

الرقم: 534 544 71

٩. قرنعون فيلادج، البترون

إذا عبالكن ترجعوا ولادكن للجذور وتخلوهن يستكشفوا تفاصيل حياة إيام زمان بالضيع اللبنانية، ما إلكن غير تزوروا هالمحل يلي هوي عبارة عن بيت حجر مع قعدة بترد الروح، ديكور ساحر، أكل طيب ونشاطات مليانة فرح وبسط وتراث. وكل جمعة بيعملوا بروغرام شكل وكتير مناسب للعيلة والولاد لأن في فريق متخصص رح يرافق ولادكن كل الوقت.

الرقم: 111 642 06