أطيب ٥ محلات كنافة ببيروت

لما يكون الموضوع خصو بالكنافة منبطل نفكر، أول شي بيخطر عبالنا هوي البحصلي أو السي سويت وحتى l’abeille d’or وغيرن من المحلات المعروفي. كيف فينا ما نحب الشعور لما نكتشف محلات مهضومة بتعمل كنافة. الكعكة الطرية، والجبنة السايلة لي فيها، والطبقة المقرمشة على الوج لي بتخلينا ندوب بطعمتا.

وبما إنو المشاركة بتدل على الإهتمام، رح نخبركن عن شوي من أطيب محلات الكنافة ببيروت ووين فيكن تلاقوهن.

١. حلويات صفصوف، الطريق الجديدة

هل محل معروف بالحلو الطيب بس أكتر شي بالكنافة مع القطر زيادة. بحضر الكنافة قدامكن وبتفوح الريحة الطيبة بكل المكان، كل الحلو عندو طيب وكل حبة رح تحبوها. جربوا الكنافة المشهورة عندو، لي مش بس طعمتا روعة وكمان شكلا من برا كتير فخم.

الرقم: 504 704 01

٢. كعكة سكوير، مار مخايل

أطيب كعكة ببيروت! هل محل معروف بالكعكة العربية لي منحبها بكل طعماتها. خلطات الطعمات بتحسسكن كأنكن بحلم. ضروري تجربوا كعكة الجبنة عند هل محل، كل لقمة من هل كعكة المحشية جبنة بتسيل على إيديكن. بتتفاجأو هونيك بأنواع الكعك، بس أطيب شي بالنسبة إلكن حتكون كعكة الكنافة عطعمة الورد لي طعمتا روعة.

الرقم: 095 568 01

٣. قهوة زيتونا، مينا الحصن

قهوة مهضومة كتير بتتميز بنافورة مي وبأشهى المأكولات والحلويات. استمتعوا بتجربة القعدة البيروتية الحقيقية بهل مطعم لي بقدم الطعام اللبناني الأصيل وأشهى أنواع الحلو. جربوا الكنافة عندو لأن رح تفاجئكن، خصوصي بس تدوقوا الكنافة مع القشطة والآيس كريم على الوج لي بخليها تصير شي روعة.

الرقم: 357 370 01

٤. قمر، وسط بيروت

هوي من الأماكن الراقية بوسط المدينة الخلاب- التصميم الفخم والألوان المشعشعة رح تخليكن تتمتعوا بتجربة طعام حقيقية من قلب مدينتكن الأم، بيروت. بقدم الأكل اللبناني التقليدي، الكميات مبحبحة والطعمات ولا أطيب. انبسطوا، بيعمل كمان كنافة شي روعة، طبق حلو ما فيكن تقاوموا رغم دسامتو. طبقات جبنة مع قشطة طازة حتى فيكن تزيدوا شوكولا- شي جنون!

الرقم: 188 988 01

٥. قصر الحلويات، شارع الملا

بتحبوا الكنافة بجبنة أو بقشطة؟ ما في أطيب منا على الترويقة الصباحية، أو لقمة عصرونية أو حتى تحلاية ليلية بقلب كعكة أو بالصحن. ما بتكفيكن كعكة وحدة؟ جربوا ساندويش الكنافة الكبيرة رح تتفاجأوا بطعمتا الروعة. ساندويش غير شكل محشية بالجبنة!

الرقم: 752 745 01

شوفوا كمان، ٦ محلات فيكن تطلبوا منن ساندويشات كفتا غير شكل.