شي مرة مجربين برغر على كنافة؟ شوفوا هالمحل!

طبق غريب وصل هالشهر لكل اللي بحبوا التجارب الجديدة بعالم الأكل! مطعم لوديز Lody’s بفرعو جنب الجامعة العربية وكمان بمار مخايل قرر يجمع بين شغلتين كلنا منحبّها، الكنافة الأصيلة والبرغر الطيب، جاهزين لتعرفوا شو مخبيلكن هالطبق؟

كل محبي الحلويات والسكر وبنفس الوقت محبي الأكل السريع رح يعشقوا هالإختراع، عم تتخايلوا كنافة وبرغر مع بعض كيف بتكون النتيجة؟ خلينا نخبركن تجربتنا!

قطعة كنافة كبيرة وطعمها حلو ومحشيّة جبنة متل ما منحبها ومتعودين عليها وأكيد الجبنة بتمغط على الآخر! بحطوا الكنافة بين خبزتين طازة للبرغر، وبغطسوها بالشوكولاتة الدايبة، عم تتخايلوا المشهد؟

(@Foodie.ceo)

وبرغر الكنافة خص نص بشهر رمضان وبتجي مع عروضات مميزة وبأسعار مهضومة.

عرض ال12$ بيقدم برغر الكنافة كطبق تحلاية إلى جانب الطبق الرئيسي من كرسبي أو برغر مع بطاطا مقلية، سلطة سيزر، جوانح باربكيو، Cheese bread، تمر وبيبسي. والعرض التاني بدوبل الكمية لكل الأطباق والمقبلات ب20$.

إختراع كتير مهضوم تجربوا تحلاية بعد الإفطار مع أصحابكن!

شو رأيكن؟ بتجربوها؟

للمزيد من المعلومات، اتصلوا على 615 844 01 – 604 606 70

شوفوا كمان، مطعمكن الإيطالي المفضل محضرلكن إفطار رمضاني غير شكل.