٧ محلات بوظة غير شكل ببيروت بهل شوبات!

بهل شوبات والصيفية، ما في حلّ إلا البوظة! خلونا اليوم ناخدكن على 7 محلات بوظة ببيروت غير شكل بهل شوبات!

1. Froyo Heaven، مينة الحصن و اوتستراد هادي نصرالله

ضروري تجربوا من عند فريو البوظة على شوكولا، كتير كريمي، مغرّقة بصوص وحبات الشوكولا الطيبة! مطرح مميز لتجربوا مع الولاد خصوصي بهل الطقس، والحلو انو عندن مختلف الطعمات والإضافات المهضومة للبوظة.

الرقم: 620 807 78

2. بوظة سوسايتي، الحمرا

هالمحل بيعمل البوظة فنية وشغل إيد، وبيعطي للبوظة نكهات مميزة متل المعمول والمفروكة والزعتر والقهوة العربية، وكمان نكهات البوظة المحبوبة والمعروفة، لازم تجربوا!

الرقم: 842 359 81

3. حلويات دنيا، جنينة الصنائع

بيتميز هالمحل بالبوظة الطيبة اللي طعمها غني وفيها أطيب الإضافات، بتعبيلكن الكباية لراسها وبتدوقوا بوظة غير شكل طعمها بيدوب بالتم!

الرقم: 662 954 79

4. Cold Stone Creamery، كافة الفروع

بتلاقوا بهل محل بكافة الفروع ببيروت مختلف أنواع وطعمات البوظة المميزة والتقليدية، بيعمل البوظة دق وشغل إيد وبيقدمها بقرن قرمشتو غير شكل!

الرقم: 414 986 01

5. Frooza Booza، كافة الفروع

هالمحل بيعمل بوظة الرول بطريقة ممتازة، عندو رول الفستق طيبة، رول الشوكولا بتجي مع قطع الكيندر والبسكويت، وكمان رول المفروكة اللي عبالن يجربوا شي كتير حلو وبيبورد القلب!

الرقم: 350 350 81

6. Popcity، كافة الفروع

إذا انتو من محبي البوظة على تلج لازم تجربوا محل Popcity، عندن طعمات متنوعة من كل الفواكة، بوظة على فريز محشية بالفريز والكيوي، أو بوظة على توت أو مانغو بيجي طعمها غني كتير، وأهم شي انو طبيعية وصحية بنفس الوقت وكل شي بيعملو شغل إيد!

الرقم: 222 340 01 – 618 141 71

7. Andy’s Rolls، حارة حريك والجميزة

بتلاقوا بهل محل بوظة رول غير شكل، عندن بوظة الفريز والنوتيلا كتير طيبة أو بوظة المانغو والتوت حموضتها شهية، وبعبيلكن كذا رول بالكباية، ومزينة بالصوص والفواكة!

الرقم: 440 963 70

شوفوا كمان، أجمل ١٤ بيت ضيافة حول لبنان لعطلة صيفية مميزة