بتعرفوا إنو صار فيكن تاكلوا دجاج ع شوكولا بلبنان؟

يا ويلي ملا اختراع! لك شو بدنا نخبركن عن هالاختراع…. معقول نلاقي شي أطيب من الدجاج والشوكولا بالحياة؟ أكيد لا، فكيف إذا كانو التنين مجموعين بطبق واحد ومع بعض.

هل اختراع بتلاقوا عند محل فاتح جديد بضبيه إسمو Seen Beirut عندو قعدة كتير لذيذة ومهضومة.

وهل طبق إسمو The Never Seen وهوي عبارة عن ناتشوس وبطاطا مقلية ودجاج مع BBQ وجبنة مدلوق فوقن صوص شوكولا بلجيكية بتشهي… صراحة استغربنا إنو طلعوا الطعمات بيلبقوا كتير عبعض. رح تستلذوا بكل لقمة وكل قرشة خاصةً إذا كنتوا بتحبوا القرمشة لي بتدوب بالتم.

أجمل شي القعدة عندو على التراس حد بركة المي وأكتر شي حبينا وقت مغيب الشمس لأن الجو بعقد وبضل حاطت موسيقى رايقة وبتفرفح القلب لتغيروا جو.

غير هيك عندو كل المشروبات والكوكتيلات الصيفية لي بتبورد القلب والأطباق لي معودين عليها متل البيتزا والباستا والساندويشات والبرغر وحتى في أراغيل. بس كل شي بيعملوا بدو يحط في لمستو الخاصة لتحسوا كأنكن أول مرة بتحطوا هل أكلات بتمكن.

ضروري تجربوا هل محل!

لتعرفوا أكتر، اتصلوا على 888 877 70

شوفوا كمان، كورنيه الأناناس: اختراع جديد ولذيذ من هل محل.